Գործնական մարքեթինգ

Հյուրատնային ծառայությունների վաճառք

Առանց վաճառք՝ բիզնեսը գոյություն ունենալ չի կարող։

Վաճառքի ճիշտ ուղիների ընտրությունը և դրանց արդյունավետ օգտագործումը հյուրանոցային բիզնեսի կառավարման և զարգացման կարևոր բաղկացուցիչն է։

Իմանալ ավելին

Ինչպե՞ս գտնել Ձեր հաճախորդին, որտե՞ղ է Ձեր հաճախորդը փնտրում Ձեզ, ինչպե՞ս լինել ավելի հասանելի. հյուրատնային ծառայությունների վաճառքի դասընթացը կօգնի գտնել այս հարցերի պատասխանները: Որպեսզի կարողանաք ընտրել լավագույն վաճառքի ուղին, պետք է ծանոթ լինեք հնարավոր վաճառքի ուղիներին և սահամնեք յուրաքանչյուր ուղու առավելություններն ու թերությունները Ձեզ համար։ Որքան ճիշտ ընտրեք վաճառքի ուղին, այնքան բարձր կլինեն Ձեր վաճառքի ծավալները:

Քննարկվելիք հարցեր

-Որո՞նք են վաճառքի ուղիները
-Ինչպե՞ս ընտրել վաճառքի ճիշտ ուղին
-Ինչպե՞ս արդյունավետ օգտագործել յուրաքանչյուր ուղին

Հյուրատան անձնակազմի մոտիվացում և պահպանում

Մոտիվացված անձնակազմը Ձեր ամենամեծ ակտիվն է

Հյուրատնային բիզնեսում հաջողության ամենամեծ գրավականը մոտիվացված անձնակազմ ունենալն է:

Իմանալ ավելին

Հյուրատնային բիզնեսի հաջողությունը հիմնականում կախված է հաճախորդների գոհունակությունից, իսկ հաճախորդների գոհունակությունը՝ Ձեր անձնակազմից: Ներկայիս մեծ թվով հյուրատների առկայությունը, նմանատիպ առաջարկները և ծառայությունների փաթեթները հնարավորություն չեն տալիս առանձնանալ մրցակիցներից: Այս պարագայում հյուրատան մրցակցային առավելությունը կարող է ուժեղանել որակյալ սպասարկման շնորհիվ: Գերազանց անհատական սպասարկման շնորհիվ ավելանում է կրկնվող հյուրերի քանակը: Անձնակազմի կատարողականությունը կախված է իրենց մոտիվացիայի մակարդակից: Որքան մոտիվացված է Ձեր անձնակազմը, այնքան բարձր է հաճախորդների գոհունակությունը:

Քննարկվելիք հարցեր

- Ի՞նչն է դարձնում անձնակազմին մոտիվացված
- Ինչպե՞ս ստեղծել բարձր մոտիվացված թիմ
- Անձնակազմի բավարարվածության աստիճանի գնահատումը

Թվային մարքեթինգ

Մարքեթինգի ժամանակակից գործիքներ

Առավել արդյունավետ թիրախավորումը և հաղորդակցումն արդեն հնարավոր է թվային մարքեթինգի շնորհիվ:

Իմանալ ավելին

Ներկայումս, երբ սոցիալան կայքերն այդքան մեծ դեր ունեն մեր կյանքի բոլոր բնագավառներում, շատ կարևոր է հասկանալ, թե ինչպե՞ս պետք է ճիշտ օգտագործել դրանք՝ Ձեր բիզնեսի և մարքեթինգային գործունեության արդյունավետության բարձրացման համար: Թվային գործիքների կիրառությունը մարքեթինգում տալիս է հնարավորություն լինել հասանելի նոր հաճախորդներին, վաճառել ապրանքներ և ծառայություններ վեբ կայքի կամ հավելվածի միջոցով, հաճախորդներին ներկայացնել թիրախավորված գովազդ, իմանալ ավելին Ձեր հաճախորդների նախասիրությունների վերաբերյալ և օգտագործել վերլուծություններ Ձեր օնլայն վաճառքներն ավելացնելու համար:

Քննարկվելիք հարցեր

- Ի՞նչ է թվային մարքեթինգը
- Գնորդի կերպար
- Թիրախավորում
- Թիրախավորված գովազդի կառուցում
- Հրապարակումների և կոնտենտի պլանավորում սոցիալական հարթակների համար
- Թվային մարքեթինգի գործիքների կիրառում

«Կանայք բիզնեսում» միջոցառում

Կանայք բիզնեսում՝ Բիզնեսի գեղեցիկ կողմը

Իմանալ ավելին

«Կանայք բիզնեսում» միջոցառման հիմնական նպատակն է ներկայացնել ԱԿԲԱ-Կրեդիտ Ագրիկոլ Բանկի ու Վերակառուցման և Զարգացման Եվրոպական Բանկի համագործակցության արդյունքում ստեղծված առաջարկներ հատուկ կանանց համար, որոնք կապված են բիզնեսի կառավարման արդյունավետության բարձրացման և բանկային պրոդուկտների հետ:
Միջոցառման ընթացքում ներկայացվելու է նաև «Դրական մտածելակերպ և դրական վերաբերմունք» թեմայով նյութը:
Ինչպես նաև հաջողակ կանանց բիզնեսի օրինակով ներկայացվելու են հաջողության պատմություններ:

Քննարկվելիք հարցեր

- «Գործարար կանայք» ծրագիր
- «Դրական մտածելակերպ և դրական վերաբերմունք» թեմայով նյութ
- Կին գործարարներին առնչվող բիզնես խնդիրները
- Բիզնեսի կառավարման արդյունավետության բարձրացման համար նախատեսված առաջարկներ

Հոգատարություն հյուրերի հանդեպ

Գոհունակ հաճախորդը Ձեր հաջողության գրավականն է:

Գոհունակ հաճախորդները շատ կարևոր են հյուրատնային բիզնեսի զարգացման համար, քանի որ նրանք են Ձեր հյուրատան իրական գովազդողները՝ ինչպես կյանքում այնպես էլ սոցիալական ցանցերում:

Իմանալ ավելին

Հյուրատնային բիզնեսի հաջողությունը հիմնականում կախված է իր հաճախորդների գոհունակությունից: Որակյալ սպասարկումն ու Ձեր հաճախորդների դրական արձագանքն է, որ նպաստում է Ձեր հյուրատան ճանաչելիության բարձրացմանը և նոր հաճախորդների ավելացմանը: Լավ արդյունքի հասնելու համար անհրաժեշտ է ճիշտ կառավարել հյուրերից ստացվող բողոքները և ստեղծել ստանդարտեցված ընթացակարգեր սպասարկման որակը բարելավելու նպատակով:

Քննարկվելիք հարցեր

- Հյուրերի հանդեպ հոգատարության անհրաժեշտ տարրերը և «Ճշմարտության պահը» հայեցակարգը
- Որակյալ սպասարկման չափորոշիչները
- Ձեր հյուրատանը բնորոշ հյուրերի ցիկլը
- Ընթացակարգերի զարգացման մեթոդները
- Հյուրերի բողոքների կառավարման մեթոդները

Հյուրատնային ծառայությունների մարքեթինգ

Միշտ մեկ քայլ առաջ Ձեր մրցակիցներից:

Ձեր ծառայության և թիրախային շուկայի իմացությունը, ինչպես նաև ճիշտ գնի սահմանումը և գովազդման ճիշտ ուղիների ընտրությունը կօգնի Ձեզ առաջ անցնել Ձեր մրցակիցներից:

Իմանալ ավելին

Ներկայիս հագեցած հյուրատնային շուկայում մրցակցիներից տարբերվելը և հյուրերի համար գրավիչ մնալը բավականին բարդ խնդիր է: Հյուրատան առաջխաղացման և կառավարման համար կարևոր է հասկանալ, թե որոնք են Ձեր հյուրատան այն առանձնահատկությունները, որոնք գրավում են հյուրերին, ինչպես պետք է սահմանել համապատսխան գին Ձեր մատուցած ծառայությունների համար, ովքեր են Ձեր հաճախորդները և ինչպես պետք է գովազդել Ձեր կողմից մատուցվող ծառայությունները:

Քննարկվելիք հարցեր

- Ինչպե՞ս որոշել, թե որոնք են ձեր հյուրատան յուրահատկությունները:
- Ինչպիսի՞ն պետք է լինի սակագնային կառուցվածքը առավելագույն շահույթ ստանալու համար:
- Ինչպե՞ս ընտրել ճիշտ թիրախային շուկաներ հյուրատան համար:
- Ինչպե՞ս ընտրել ձեր ծառայությունը գովազդելու լավագույն մեթոդները:
:

Բիզնեսի թվայնացում

«Միացի՛ր թվային աշխարհին»
Բիզնեսի թվայնացումը կբարձրացնի Ձեր բիզնեսի արդյունավետությունը, ճկունությունը և հասանելիությունը:

Իմանալ ավելին

Դասընթացի հիմնական նպատակն է հաջողակ բիզնեսների օրինակով ներկայացնել մասնակիցներին, բիզնեսի թվայնացման և նոր ինֆորմացիոն տեխնոլոգիաների օգտագործման առավելությունները և հնարավորությունները: Միջոցառման ընթացքում կքննարկվեն բիզնեսի թվային զարգացման հնարավոր ուղիները և դրա համար անհրաժեշտ գործիքները:

Քննարկվելիք հարցեր

- Բիզնեսի թվայնացման առավելությունները և հնարավորությունները
- Բիզնեսի թվայնացման հաջողության պատմություններ
- ՓՄՁ-ների համար նախատեսված ծրագրային գործիքների ներկայացում