Առաքելությունը

Լինել հասանելի, վստահելի և կայուն գործընկեր փոքր և միջին ձեռնարկությունների համար:

Նպատակը

Հարթակի հիմնական նպատակն է օժանդակել ՓՄՁ ղեկավարներին նոր գիտելիքների և կառավարման համար անհրաժեշտ գործիքների ձեռքբերման հարցում, ինչպես նաև ստեղծել նոր համագործակցությունների և նոր գործընկերությունների հնարավորություն:

Հարթակը իրենից ներկայացնում է բիզնեսի կառավարմանն ու աջակցմանն ուղղված տեղեկատվության, գործիքների և ծառայությունների ամբողջություն օնլայն տիրույթում, որը նախատեսված է ձեռնարկատիրական գործունեություն ծավալող անձանց և սկսնակ ձեռնարկատերերի համար: Հարթակը օգնում է վերջիններիս սովորել և իրականացնել կայուն բիզնես կառավարում, բարձրացնել ձեռնարկության արտադրողականությունը և արդյունավետությունը:

Կազմակերպությունների ղեկավարների և այլ որոշում կայացնող անձանց համար առաջարկվում են անվճար ուսումնական դասընթացներ՝ վերապատրաստման և բիզնես գիտելիքների կատարելագործման նպատակով: Դասընթացների ֆորմատը հնարավորություն է ստեղծում ոչ միայն ձեռք բերել տեսական և պրակտիկ գիտելիքներ, այլ նաև հանդիսանում է հարթակ փորձի փոխանակման և նոր գործընկերական կապերի ստեղծման համար: