Ինչու՞ ապահովագրել բեռը

Բեռների ապահովագրությունը փոխադրման ընթացքում բեռի անկանխատեսելի և հավանական իրադարձության հետևանքով առաջացած վնասի վերականգնման երաշխիք է:

Բեռների ապահովագրությունը թույլ է տալիս փոխհատուցել ֆինանսական վնասները, որոնք առաջացել են բեռնափոխադրման ընթացքում բեռի կորստի, վնասման կամ ոչնչացման հետևանքով այն պայմաններում, որոնք կախված չեն բեռի սեփականատերից:

Բեռների ապահովագրությունն ապահովում է բիզնեսի կայունություն և անխափան գործունեություն, այն ցանկացած ձեռնարկության ռիսկերի կառավարման համակարգի անբաժան մասն է:

Ապահովագրական ընկերությունը արագ և արդյունավետ կարգավորում է վնասներն ամբողջ աշխարհում:

Բեռի ապահովագրության համար ծախսը հանդիսանում է հիմնավորված հարկային նվազեցվող ծախս: Ի՞նչը կարելի է ապահովագրել (ապահովագրության օբյեկտը)

Հնարավոր է ապահովագրել ցամաքային, օդային, և այլ տրանսպորտի տեսակներով փոխադրվող ցանկացած գույքը (բեռը):

Օրինակ՝

• արդյունաբերական մեքենաներ եւ տրանսպորտային սարքավորումներ
• էլեկտրոնիկա, համակարգչային տեխնիկա
• դեղորայք, օծանելիք և կենցաղային քիմիկատ
• սնունդ(այդ թվում`պահանջելով համապատասխան ջերմաստիճանային վերահսկողություն)
• ալկոհոլ և ծխախոտ
• հեղուկ բեռներ
• արժեքավոր բեռներ
• ռազմական բեռներ
• վտանգավոր բեռներ
• ցուցանմուշներ, արվեստի գործեր

Ինչի՞ց է պաշտպանում վկայագիրը (ապահովագրական ռիսկերը)

Պայման «A»՝ պատասխանատվությամբ բոլոր ռիսկերի համար (ICC«A»)

Պայման «В»՝ պատասխանատվությամբ լրիվ ոչնչացման և վնասների համար (ICC«B»)

Պայման «C»՝ պատասխանատվությամբ լրիվ ոչնչացման համար (առանց վնասների

համար պատասխանատվության, բացառությամբ աղետի դեպքերի) (ICC«C»)

Կարող են նախատեսվել լրացուցիչ ռիսկեր, դրանք են.

• ռազմական ռիսկեր
• գործադուլի ռիսկեր

Նկարագրություն, առանձնահատկություններ և արժեք

• բեռների ապահովագրության պայմանագրերը կնքվում են ստանդարտ երկու ամիս ժամկետով կամ փոխադրման տևողության ժամկետով:
• բեռների ապահովագրությունը կարող է իրականացվել «Գլխավոր պայմանագրով», որը կնքվում է երկար ժամկետով (1 տարի և ավելի): Միասնական ապահովագրական սակագին ապահովագրության ամբողջ ժամանակահատվածի համար
• պայմանագրով կարող է սահմանվել ոչ պայմանական չհատուցվող գումար` սովորաբար այն կիրառվում է ապահովագրական գումարից 0.5 %-ից 1%-ի սահմաններում:
• բեռների ապահովագրությունը տրամադրվում է 0.3% - 4.0% սակագնով, որը հաշվարկվում է բեռի արժեքից և/կամ ներառում է փոխադրման և այլ ծախսերը: Օրինակ. կազմակերպությունը ցանկանում է ներմուծել 30,000 ԱՄՆ դոլար արժողությամբ տնտեսական ապրանք Եվրոպայից Երևան ցամաքային երթուղով, «Պայման A» ռիսկի կիրառմամբ բեռի ապահովագրության պայմանագրի ձեռք բերման արժեքը կլինի` ԱՊԱՀՈՎԱԳՐԱՎՃԱՐ = ԲԵՌԻ ԱՐԺԵՔ (30,000 ԱՄՆ դոլար) * 0.3% = 90 ԱՄՆ դոլարին համարժեք ՀՀ դրամ

Պայմանագիր կնքելու համար փաստաթղթերի ցանկը

• իրավաբանական անձի պետական գրանցման վկայականի պատճեն, ՀՎՀՀ, բանկային տվյալներ (վավերապայմաններ)
• բեռների ապահովագրության լրացված հարցաթերթիկ կամ հայտարարագիր (տրամադրում է Ապահովագրական ընկերությունը)
• բեռի ինվոյս և/կամ բեռի արժեքը հիմնավորող այլ փաստաթղթերի պատճեն

Գործողություններ պատահարի դեպքում

• չմատնվել խուճապի
• հնարավորության դեպքում ձեռնարկել միջոցներ բեռը փրկելու կամ հնարավոր վնասը նվազեցնելու համար
• անհապաղ հայտնել տեղի ունեցած իրադարձության մասին ապահովագրական ընկերությանը` զանգահարելով պայմանագրում նշված հեռախոսահամարով և հետևել աշխատակցի հրահանգներին
• չընդունել մեղք առանց ապահովագրական ընկերության ներկայացուցչի հետ խորհրդակցելու

Ապահովագրական հատուցում ստանալու համար փաստաթղթերի ցանկը

• բեռի ապահովագրության պայմանագիր
• բեռնափոխադրման ամփոփագիր (CMR)
• բեռի ինվոյս
• ծովային փոխադրման դեպքում` նավային ակտ
• ՃՏՊ-ի դեպքում՝ ոստիկանության տեղեկանք և այլն

Կայք՝ www.RGS.am Հեռ․՝ 010 59-10-10