Մենք ապրում ենք զարմանալի մի ժամանակաշրջանում, որտեղ տեխնոլոգիաները գլխապտույտ արագությամբ փոխում են գրեթե ամեն ինչ մեր կյանքում։

Այսօր, ամպային տեխնոլոգիաների ի հայտ գալու հետ մեկտեղ, մենք մուտք ենք գործել առավել խորը վերափոխումների դարաշրջան։ Նոր սերնդի տեխնոլոգիական լուծումները հնարավորություն են տալիս մի շարք նորարարությունների հասանելիության ընդլայնմանը, որոնք անդրադառնում են մարդկությանը հուզող ամենահրատապ խնդիրներին։ Ներուժն այնքան մեծ է, որ ոմանք այն արդեն անվանում են Չորրորդ արդյունաբերական հեղափոխություն։

Ակնհայտ է, որ առաջին անգամը չէ, որ տեխնոլոգիաները հանդիսանում են մարդկանց ապրելակերպի ու աշխատանքի խորը փոփոխությունների գործոն։ Մեծ հաշվով` մարդկությունը մինչ օրս անցել է երեք արդյունաբերական հեղափոխությունների միջով։

Առաջին արդյունաբերական հեղափոխությունը եկավ գոլորշու ուժի հայտնագործման և արդյունաբերական արտադրության վերելքի հետ մեկտեղ 1700-ականների վերջին և 1800-ականների սկզբին։

Երկրորդ արդյունաբերական հեղափոխությունը սկիզբ առավ էլեկտրակայանների ստեղծման, ներքին այրման շարժիչի, հեռագրասարքի ու հեռախոսի ստեղծման ժամանակ՝ 1800-ականների վերջին և 1900-ականների սկզբին։

Երրորդ արդյունաբերական հեղափոխությունը 20-րդ դարի սկզբին ազդարարեց ինֆորմացիայի թվային մշակման և հաղորդակցության գալուստը։

Այս ժամանակաշրջաններից յուրաքանչյուրը ներառում էր հսկայական տեխնոլոգիական նորարարություն, ինչը հանգեցրեց մեծ խափանման, քանի որ արդյունաբերության ավանդական ճյուղերը դուրս մղվեցին, և հին մասնագիտությունները զիջեցին իրենց տեղը նոր մասնագիտությունների տեր մարդկանց։

Բայց սա միայն սկիզբն է։ Համաձայն Համաշխարհային տնտեսական ֆորումի վերջին հետազոտություններից մեկի՝ տեղեկատվական և հաղորդակցման տեխնոլոգիաների ոլորտի ղեկավարները կարծում են, որ 10 տարվա ընթացքում կստեղծվեն ռոբոտ դեղագործներ, 3D տպագրության կիրառմամբ արտադրված ավտոմեքենաներ և 3D տպիչով տպագրված լյարդի պատվաստներ։ Նրանք նաև հավատում են, որ երթևեկող մեքենաների 10%-ը կլինի ինքնակառավարվող:

Կայք՝ www.microsoft.com/hy-am/about Էլ. Հասցե՝ arminfo@microsoft.com Հեռ.՝ 010 51-44-89