Ինչու՞ ապահովագրել

Ձեռնարկություններում վնասվածքները հանդիսանում եմ աշխատունակության կորստի ամենատարածված պատճառներից մեկը: Դժբախտ պատահարներից ապահովագրությունը կպաշտպանի գործատուին չնախատեսված ծախսերից: Աշխատողը և նրա ընտանիքը ապահովագրության շնորհիվ կստանան ֆինանսական օգնություն դժվարին պահին: Դուք կարող եք ապահովագրել Ձեր աշխատակիցներին այնպիսի պատահարներից, որոնք վտանգ են ներկայացնում են իրենց կյանքի և առողջության համար, և կարող են հանգեցնել մարմնական վնասվածքների, հիվանդության, հաշմանդամության կամ մահվան:

Հիմնականում ընկերությունները դժբախտ պատահարներից ապահովագրությունը ձեռք են բերում առողջության ապահովագրության հետ մեկտեղ:

Ի՞նչն է հանդիսանում ապահովագրական պատահար

• մարմնական վնասվածք, որն ուղղակիորեն առաջացել է դժբախտ պատահարի կամ սխալ բժշկական մանիպուլյացիաների հետևանքով
• սուր թունավորում քիմիական նյութերով և/կամ կենսաբանական ծագման թույներով (այդ թվում` բոտուլիզմ հիվանդությանը հանգեցնող թույնով)
• 2-րդ, 3-րդ, 4-րդ աստիճանների թերմիկ և/կամ քիմիական այրվածք
• 1-ին, 2-րդ, 3-րդ խմբի հաշմանդամություն, որն առաջին անգամ սահմանվել է նշված իրադարձության տեղի ունենալու հետևանքով պայմանագրի գործողության ընթացքում
• մահը, որն առաջացել է նշված իրադարձության տեղի ունենալու հետևանքով պայմանագրի գործողության ընթացքում
• աշխատունակության ժամանակավոր կորուստ

Նկարագրությունն ու առանձնահատկությունները

• պայմանագիրը սովորաբար կնքվում է մեկ տարի ժամկետով
• կախված ընտրված ռիսկերից` ապահովագրական սակագնի չափը սահմանվում է ապահովագրական գումարի նկատմամբ տոկոսադրույքով
• ապահովագրավճարի չափը կախված է նաև ապահովագրված անձանց քանակից և աշխատանքի բնույթից
• յուրաքանչյուր ռիսկի գծով կարող են սահմանվել հատուցման առանձին առավելագույն սահմանաչափեր

Ի՞նչ է անհրաժեշտ պայմանագիր կնքելու համար

Պայմանագիր կնքելու համար անհրաժեշտ է դիմել Ապահովագրական ընկերություն՝ համապատասխան բաժին, և լրացնել տրամադրված հարցաթերթիկը:

Գործողություններ պատահարի դեպքում

• շտապ կամ անհետաձգելի օգնության անհրաժեշտության դեպքում հարկավոր է զանգահարել շտապ օգնություն, այնուհետև 24 ժամվա ընթացքում տեղեկացնել դեպքի մասին` զանգահարելով պայմանագրում նշված ապահովագրողի հեռախոսահամարով
• մնացած դեպքերում հարկավոր է զանգահարել ապահովագրական քարտի վրա նշված 24/7/365 ռեժիմով աշխատող կոնտակտ կենտրոնի հեռախոսահամարով: Շուրջօրյա զանգերի սպասարկման կենտրոնի միջոցով կապ կհաստատվի ընկերությունում աշխատող բժիշկ-փորձագետների հետ, ովքեր կպատասխանեն հայտերի կարգավորման հետ կապված բոլոր հարցերին՝ կօգնեն ընտրել բուժհաստատություն, կգրանցեն ընդունելության համապատասխան մասնագետի մոտ, կտրամադրեն տեղեկատվություն հատուցվող ծառայությունների վերաբերյալ

Ապահովագրական հատուցում ստանալու համար փաստաթղթերի ցանկը

• գրավոր հայտային դիմում, որտեղ նշված են տվյալ իրադարձության առաջացման հանգամանքները: Դիմումի ձևն Ապահովադիրը կարող է ստանալ Ապահովագրողի գրասենյակից
• ապահովագրողի պահանջով` պայմանագրի բնօրինակը
• ապահովագրված անձի անձնագրի կամ անձը հաստատող այլ փաստաթղթի բնօրինակը
• ՀՀ օրենսդրությամբ նախատեսված և/կամ Աահովագրողի կողմից պահանջվող այլ փաստաթղթեր և տեղեկություններ

Ապահովագրված անձին մարմնական վնասվածք պատճառվելու դեպքում Ապահովագրողին լրացուցիչ ներկայացվում են`

• համապատասխան իրավասու մարմինների (այդ թվում` իրավապահ մարմինների) կողմից տրված փաստաթղթերը, որոնք վկայում են Պայմանագրի գործողության ընթացքում որոշակի դեպքի առաջացման մասին, դրա առաջացման հանգամանքների մասին, պարունակելով ապահովագրված անձի լրիվ ախտորոշումը, բուժման ժամկետների, բուժիչ և ախտորոշիչ միջոցառումների մասին տեղեկություններ
• արտադրությունում դժբախտ պատահարի մասին ակտ, եթե այդ մասին նախապես հայտնվել է Ապահովագրողին
• բժշկասոցիալական փորձաքննության մարմնի տեղեկանքը հաշմանդամության խումբը (կարգավիճակը) սահմանելու մասին
• ժամանակավոր անաշխատունակության թերթիկը
• բժշկական փաստաթղթեր (կատարված կամ նշանակված լաբորատոր կամ գործիքային հետազոտությունները, նախնական ախտորոշումը, վերջնական ախտորոշումը, նշանակված բուժումը (դեղերի ցանկը, ներառյալ` դեղերի չափաբաժինը, ընդունման օրերի քանակը), ինչպես նաև կատարված լաբորատոր և/կամ գործիքային հետազոտությունների պատասխանները և այլն)
• ֆինանսական փաստաթղթեր (ՀԴՄ կտրոն և տրամադրված դեղորայքի անվանացանկ, տրամադրված ծառայությունների անվանացանկը պարունակող փաստաթուղթ և այլն)

Ապահովագրված անձի մահվան դեպքում լրացուցիչ տրամադրվում են.

• ապահովագրված անձի մահվան վկայականի` ՀՀ օրենսդրությամբ սահմանված կարգով վավերացված պատճենը
• բժշկական փաստաթուղթ (կամ նրա օրենսդրությամբ սահմանված կարգով վավերացված պատճեն), որտեղ նշված է Ապահովագրված անձի մահվան պատճառը (մահվան բուժվկայականից քաղվածք, դատաբժշկական եզրակացություն և այլն)
• ժառանգության նկատմամբ իրավունքի վկայականի պատճենը` ՀՀ օրենսդրությամբ սահմանված կարգով (ներկայացվում է միայն ժառանգի կամ ժառանգների կողմից) Կարևոր է. պայմանգրով կարող է սահմանվել ժամկետ, որի ընթացքում անհրաժեշտ է ապահովագրողին ներկայացնել ապահովագրական պատահարը և բժշկական ծախսերը հիմնավորող փաստաթղթերը:

Կայք՝ www.RGS.am Հեռ․՝ 010 59-10-10