ԱՊՊԱ Ի՞նչն է հատուցվում.

• առողջությանը պատճառված վնասները.
• մինչև 3,300,000 դրամ յուրաքանչյուր տուժողին մինչև 10,000,000 դրամ յուրաքանչյուր պատահարի համար
• տուժողի մահը՝ 1,000,000 դրամ
• կորցրած աշխատավարձը (եկամուտները)՝ չափը հաստատող փաստաթղթերի հիման վրա
• գույքային վնասները՝ մինչև 1,800,000 դրամ

Եթե վնասի չափը գերազանցում է նշված գումարներն, ապա տարբերությունը տուժողին պետք է վճարի վնաս պատճառողը:

Որքա՞ն արժե ԱՊՊԱ պայմանագիրը

Պայմանագրի գինը կախված է.

• տրանսպորտային միջոցի շարժիչի հզորությունից
• օգտագործման նպատակից
• տրանսպորտային միջոցի տեսակից
• վարորդի տարիքից
• վարորդական ստաժից
• սեփականատիրոջ ապահովագրական պատմությունից

ԲՈՆՈՒՍ-ՄԱԼՈՒՍ

2011 թվականից գործում է ԲՈՆՈՒՍ–ՄԱԼՈՒՍ զեղչերի և հավելավճարների համակարգը, համաձայն որի ապահովագրավճարը հաշվարկվում է ապահովադրի ապահովագրական պատմության հիման վրա: ԲՈՆՈՒՍ– ՄԱԼՈՒՍ համակարգի տվյալները հավաքագրվում են ընդհանուր բազայում, որից օգտվում են բոլոր ապահովագրական ընկերությունները և Ճանապարհային Ոստիկանությունը:

Յուրաքանչյուր վարորդին տրվում է համապատասխան դաս, ընդ որում՝ 10-րդ դասը հանդիսանում է զրոյական դաս, այսինքն՝ զեղչ կամ հավելավճար չի կիրառվում:

Բոնուս

Այն դեպքում, երբ աապհովադիրը չի ունեցել պատահար առնվազն 345 օր, նա ստանում է բոնուս՝ 1 դասի չափով, այսինքն՝ 3% զեղչ: Օրինակ` վերջին չորս տարվա ընթացքում վթար չունեցող վարորդը ստանում է 6-րդ դաս և բոնուսը կազմում է 12%: Տարիների ընթացքում ձեռք բերված առավելագույն զեղչը կարող է կազմել 50%:

Մալուս

ՃՏՊ-ում մեղավոր ճանաչված վարորդները ստանում են մալուսային դաս, ինչի արդյունքում ԱՊՊԱ պայմանագրի գինը բարձրանում է: Մալուսային դասը զրոյանում է առնվազն 4 տարի անընդմեջ պատահար չունենալու դեպքում։

1-9-րդ` բոնուսային դաս (գործակիցը փոքր է 1-ից և վճարը զեղչվում է)

10-րդ` բազիսային դաս (գործակիցը հավասար է 1 և վճարը չի փոխվում)

11-22-րդ` մալուսային դաս (գործակիցը մեծ է 1-ից և վճարն ավելանում է)

Նկարագրությունն ու առանձնահատկությունները

• բոլոր ԱՊՊԱ վկայագրերը կնքվում են «անսահմանափակ վարորդ» պայմանով
• Բոնուս-Մալուս դասը կիրառվում է ԱՊՊԱ վկայագրում սահմանված Ապահովադրի նկատմամբ
• ԱՊՊԱ վկայագիրը կնքվում է Ապահովադրի համար նախընտրելի՝ ՀՀ օրենսդրությամբ թույլատրված ժամկետով

Պայմանագիր կնքելու համար փաստաթղթերի ցանկը Իրավաբանական անձը ԱՊՊԱ պայմանագիր կնքելու համար տրամադրում է

• ՀՎՀՀ-ն (հարկ վճարողի հաշվառման համարը) պարունակող փաստաթուղթ

Ապահովադրի ներկայացուցչի դեպքում`

• անձը հաստատող փաստաթուղթ
• պատշաճ կերպով տրված լիազորագիր

Ավտոմեքենայի վերաբերյալ տրամադրվում են.

• հաշվառման (գրանցման) վկայագիր կամ այլ համարժեք փաստաթուղթ կամ մաքսային հայտարարագիր
• ԱՄ-ի սեփականատեր կամ լիզինգի պայմանագրով վարձակալ կամ ՀՀ տարածք վարելու միջոցով ԱՄ-ն ներմուծող անձ կամ նշված անձանց կողմից լիազորված անձ համարվելու փաստը հավաստող փաստաթղթեր (սեփականության իրավունքի պետական գրանցման վկայական, լիզինգի պայմանագիր և այլն), եթե Հաշվառման (գրանցման) վկայագրով կամ այլ համարժեք փաստաթղթով կամ մաքսային հայտարարագրով ԱՊՊԱ պայմանագիր կնքելու իրավասությունը չի հաստատվում Ապահովադիրը նաև հայտնում է հետևյալ տեղեկություններ.
• ապահովադրի էլեկտրոնային փոստի հասցե
• ապահովադրի փոստային հասցե
• ապահովադրի հեռախոսահամար
• ավտոբուս (ներառյալ՝ միկրոավտոբուս) տեսակի ԱՄ-ի վերաբերյալ Վկայագիր կնքվելու դեպքում՝ ԱՄ-ի՝ առանց վարորդի նստատեղի հաշվարկված նստատեղերի քանակ՝ տեխնիկական տվյալների համաձայն
• ավտոտրանսպոր­տային միջոցի օգտագործման նպատակ
• ապահովագրության ժամկետ Գործողություններ պատահարի դեպքում

Պատահարները դասակարգվում են հետևյալ 2 խմբի`

• Մինչև 100,000 դրամ վնասի չափով պատահարներ
• 100,000 դրամից ավելի վնասի չափով պատահարներ

Մինչև 100,000 դրամ վնասի չափով պատահարների դեպքում, եթե.

• պատահարում ներգրավված է միայն 2 ավտոմեքենա
• վնաս է պատճառվել միայն այդ ավտոմեքենաներին
• ապահովագրողի հետ կնքված ԱՊՊԱ վկայագրում նշված ավտոմեքենան օրինական հիմքով տիրապետող անձն ընդունում է, որ պատահարի առաջացման մեջ միակ մեղավորն ինքն է

Ապա վարորդները փոխադարձ համաձայնությամբ կարող են, առանց Ապահովագրողի լրացուցիչ համաձայնության, լրացնել համաձայնեցված հայտարարագիրը:

Հայտարարագիրը և լրացման հրահանգը կարող եք բեռնել ստորև.

Մնացած դեպքերում վարորդները պարտավոր են վթարի մասին անմիջապես տեղեկացնել Ճանապարհային ոստիկանությանը և ապահովագրական ընկերությանը՝ պայմանագրում նշված հեռախոսահամարով:

Մինչև 100,000 դրամ վնասի չափով պատահարների դեպքում

• ապահովադիրը և (կամ) ավտոտրանսպորտային միջոցն օրինական հիմքով տիրապետող այլ անձը ապահովագրական պատահար տեղի ունենալու դեպքում պարտավոր են ապահովագրական պատահարը տեղի ունենալուց հետո 40 րոպեների ընթացքում այդ մասին հայտնել Ապահովագրողին` զանգահարելով Վկայագրի վրա նշված հեռախոսահամարով
• համաձայնեցված հայտարարագիրը պետք է Ապահովագրողին ներկայացվի ապահովագրական պատահարի օրվանից հետո 5 աշխատանքային օրվա ընթացքում

Մնացած դեպքերում վարորդը կարող է դիմում ներկայացնել Ապահովագրողին ապահովագրական պատահար տեղի ունենալուց հետո 3 ամսվա ընթացքում:

Ապահովագրական հատուցում ստանալու համար փաստաթղթերի ցանկը

Իրավաբանական անձիք տրամադրում են.

• դիմումատուի անձնագիր
• վարորդի վարորդական վկայական
• տեխ. անձնագիր
• տեխ. անձնագրի ներդիր (եթե շահագործվում է այլ համարանիշով կամ որպես տաքսի)
• Պետ. ռեգիստրի վկայական
• ՀՎՀՀ
• լիազորագիր (տրված ղեկավարի կողմից)
• ղեկավարի անձնագրի պատճեն
• ՃՈ արձանագրություն (եթե առկա է)

Կայք՝ www.RGS.am Հեռ․՝ 010 59-10-10