ԱՇԽԱՏԱՎԱՐՁԻ ԿԱՌՈՒՑՎԱԾՔԸ

Աշխատավարձը բաղկացած է հիմնական աշխատավարձից (երբեմն այն նաև անվանում են բազային աշխատավարձ կամ պաշտոնային դրույքաչափ) և լրացուցիչ աշխատավարձից։ Հիմնական աշխատավարձը միշտ պետք է սահմանված լինի աշխատանքային պայմանագրում (կամ աշխատանքի ընդունման մասին հրամանում)։

ՆՎԱԶԱԳՈՒՅՆ ԱՇԽԱՏԱՎԱՐՁ

Նվազագույն աշխատավարձի չափը սահմանվում է օրենքով։ Այս չափը վերաբերում հիմնական զուտ աշխատավարձին, և դրա մեջ չեն ներառվում հարկերը, նպատակային սոցիալական վճարները, հավելումները, հավելավճարները, պարգևատրումները և խրախուսական այլ վճարումները:

ԼՐԱՑՈՒՑԻՉ ԱՇԽԱՏԱՎԱՐՁ

1. ՀԱՎԵԼՈՒՄՆԵՐԸ վճարվում է հետևյալ աշխատանքների համար`

• • ծանր, վնասակար (ըստ կառավարության կողմից հաստատված ցանկի)
  • առանձնապես ծանր, առանձնապես վնասակար աշխատանք կատարելու (ըստ կառավարության կողմից հաստատված ցանկի)
  • արտաժամյա
  • գիշերային աշխատանքների
  • հանգստյան և օրենքով սահմանված ոչ աշխատանքային՝ տոնական և հիշատակի օրերին կատարված աշխատանքների համար

2. ՀԱՎԵԼԱՎՃԱՐԸ գործատուի որոշմամբ կամ պայմանագրի համաձայն վճարվում է որակավորման (դասային, դիվանագիտական, գիտական աստիճան, կոչում և այլն) կամ աշխատանքային ստաժի համար:

3. ՊԱՐԳԵՎԱՏՐՈՒՄԸ վճարվում էաշխատանքային պարտականությունները պատշաճ կատարելու, երկարամյա աշխատանքի և ծառայության, ծառայողական պարտականությունները գերազանց կատարելու համար: Այս հիմքերի նշումը համապատասխան հրամանում անհրաժեշտ է, որպեսզի վճարումը ճանաչվի որպես պարգևավճար հարկային նպատակներով։

4. ԼՐԱՎՃԱՐԸ գործատուի որոշմամբ կամ պայմանագրի համաձայն աշխատողին վճարվող ցանկացած այլ լրացուցիչ վարձատրությունն է:

ԱՇԽԱՏԱՎԱՐՁԻՑ ՊԱՀՈՒՄՆԵՐԸ

• Գործատուին ունեցած աշխատողի պարտքերը մարելու համար` գործատուի կողմից աշխատավարձից կարող են պահվել`
• աշխատողին տրված կանխավճարը
• մեխանիկական սխալների հետևանքով կատարված ավել վճարումները
• գործուղման կամ աշխատանքի այլ վայր փոխադրվելու կամ առանձին գործողությունների կատարման համար աշխատողին տրված կանխավճարի չծախսված և ժամանակին չվերադարձված գումարը
• աշխատողի մեղքով գործատուին պատճառված վնասի հատուցման գումարը:

Կայք՝ www.adwise.am Էլ․ հասցե՝ info@adwise.am Հեռ․՝ 060 54 12 95