Եթե դուք չեք օգտագործում այն տեխնոլոգիաները, որոնք ձեզ հետևյալ հնարավորություններն են ընձեռում, հավանաբար խոչընդոտում եք սեփական հաջողությանը.

Կարևոր փաստաթղթերի ու ֆայլերի՝ հեռավորությունից հասանելիության հնարավորություն: Վերջերս կատարված հարցման համաձայն՝ ՓՄՁ-ների 93 տոկոսը առնվազն մի քանի հեռակա աշխատողներ ունի: Աշխատողների միջինում մոտ 20 տոկոսն աշխատում է հեռակա կարգով:

Հաղորդակցման միասնական հարթակ՝ արագ նամակագրության, ձայնա ու տեսա կոնֆերանսի, ինչպես նաև առցանց ժողովի անցկացման հնարավորություններով: Միասնական հաղորդակցումը կարող է օգնել շատ ժամանակ խնայել, խուսափել բազմաթիվ կրկնակի գրառումներից, ինչպես նաև հեշտացնել աշխատանքի կազմակերպումը:

Պրոֆեսիոնալ դասի էլեկտրոնային փոստ: Բազմաթիվ փոքր ձեռնարկությունների մասնագետներ ու անհատ ձեռնարկատերեր օգտագործում են էլեկտրոնային փոստի անվճար ծառայություններ, որոնք նախատեսված են անձնական օգտագործման համար, բայց երբ հաճախորդները դա տեսնեն, հնարավոր է՝ կասկածի ենթարկեն բիզնեսի վստահելիությունը:

Պրոֆեսիոնալ կայքէջ: Համաձայն հարցման՝ սպառողների յոթանասունյոթ տոկոսը ձեր ձեռնարկությունից ակնկալում է պրոֆեսիոնալ կայքէջի առկայություն: Չունենալը հավասարազոր է փոքր, սահմանափակ ռեսուրսներով խանութ ունենալուն, և մարդիկ թերահավատորեն կմոտենան Ձեզ հետ գործակցելուն:

Շարժական լուծումներ: Այսօրվա աշխարհում, որտեղ ավելի ու ավելի են գերակշռում սարքերը, բազմաթիվ ու տարատեսակ բիզնես գործողություններ կատարելու համար ձեզ պետք է ընդամենը շարժական հեռախոս կամ թաբլեթ: Բժիշկներն այժմ հնարավորություն ունեն իրենց հիվանդների հետ ռենտգեն պատկերներ և բժշկական քարտեր դիտել թաբլեթ սարքերի օգնությամբ: Պատկերացրեք՝ ինչպես կարող եք Ձեր բիզնեսն ավելի շարժական դարձնել ու ձեր աշխատողներին կտրել իրենց աշխատասեղաններից:

Եվ այս նոր զարգացումների հետ համընթաց քայլելը այնքան բարդ չէ, որքան պատկերացնում եք: Եթե հետևողականորեն հանգստյան օրերին ընդամենը մի քանի րոպե տրամադրեք նոր տեխնոլոգիաներին ծանոթանալուն, արդյունքը հսկայական կլինի:

Կայք՝ www.microsoft.com/hy-am/about Էլ. Հասցե՝ arminfo@microsoft.com Հեռ.՝ 010 51-44-89