Սպասվում է գործնական ճանապարհորդությու՞ն: Մի՛ մոռացեք ձևակերպել արտասահման մեկնողների համար նախատեսված ապահովագրությունը:

Ճանապարհորդության ընթացքում ապահովագրության պայմանագիրը երաշխավորում է, որ տնից հեռու, ցանկացած պահին ապահովագրված անձը կստանա որակյալ բժշկական օգնություն: Սպասարկումը ապահովագրողը ապահովում է աջակցող կազմակերպությունների միջոցով, որոնց համակարգողները արագ կազմակերպում են այլ երկրում բժշկական ծառայությունների տրամադրման ամբողջ գործընթացը: Ապահովագրված անձն ազատվում է որակավորված մասնագետ փնտրելու, տասնյակ անծանոթ ձևաթղթեր լրացնելու հոգսից: Իսկ շատ դեպքերում նաև օգնությունը ստանում է անվճար, իսկ Ապահովագրական ընկերությունը վճարում է ծառայությունների դիմաց անմիջապես արտասահմանյան բժշկական կազմակերպությանը:

Որտեղ էլ գտնվի զբոսաշրջիկը, ապահովագրության պայմանագրով նրան երաշխավորվում է.

• շտապ և անհետաձգելի բուժօգնության տրամադրում
• բազմատեսակ բժշկական ծառայությունների տրամադրում
• բուժհաստատության մասնագետի այցելության կազմակերպում
• բոլոր վարչական հարցերի կարգավորում
• բժշկական անձնակազմի հետ փոխգործակցության հարցում աջակցություն

Ո՞վ կարող է ապահովագրվել

• Ապահովագրական ընկերության հետ պայմանագիր կարող է կնքել, ինչպես իրավաբանական, այնպես էլ՝ ֆիզիկական անձ
• Ապահովագրության պայմանագրով ապահովագրված անձ կարող է հանդիսանալ 0-70 տարեկան ֆիզիկական անձ, առավելագույն տարիքի սահմանափակումը կարող է տարբերվել տարբեր ապահովագրողների մոտ
• Լրացուցիչ կարող է ապահովագրվել ուղեբեռը՝ վնասումից և կորստից
• Լրացուցիչ կարող է ապահովագրվել նաև բնակարանը

Ինչի՞ց է պաշտպանում վկայագիրը (ապահովագրական ռիսկերը)

• Բժշկական ծախսեր՝ կապված շտապ և անհետաձգելի բուժօգնության տրամադրման, ինչպես նաև ամբուլատոր և ստացիոնար բուժման հետ
• Անհետաձգելի ատամնաբուժական օգնության տրամադրման հետ կապված ծախսեր
• Բուժտրանսպորտային ծախսեր, շտապ օգնության մեքենայով կամ այլ տրանսպորտային միջոցովներով մոտակա բուժհաստատություն տեղափոխում
• Արտակարգ իրավիճակում բարեկամի ժամանում արտասահման` ապահովագրված անձի մոտ
• Առանց խնամքի մնացած անչափահաս երեխաների Հայաստան վերադարձնելու հետ կապված ծախսեր
• Մահվան դեպքում՝ հայրենադարձման համար նախատեսված ծախսեր
• Ապահովագրական պատահարի վերաբերյալ հեռախոսազանգերի համար ծախսեր

Նկարագրությունն ու առանձնահատկությունները

• Ապահովագրության պայմանագիրը չի գործում Հայաստանի Հանրապետության և Լեռնային Ղարաբաղի տարածքներում
• Ապահովագրության պայմանագիրը կարող է կնքվել առնվազն 3 օր ժամկետով. 1 օրվա համար ապահովագրավճարը կազմում է մոտավորապես 400 ՀՀ դրամ
• Ամբողջ աշխարհում գործող 15-օրյա փաթեթի արժեքը կազմում է 3,500 դրամ
• Տարեկան փաթեթները գործում են ամբողջ աշխարհում, ապահովագրությունը գործում է 90 օր ամբողջ տարվա ընթացքում կամ յուրաքանչյուր ուղևորությունը` 90 օր, իսկ օրահաշվարկով ապահովագրությունը կարող է գործել առավելագույնը 180 օր
• Ապահովագրության պայմանագրով բժշկական ծախսերի համար նախատեսված ապահովագրական գումարը կազմում է առնվազն 30,000 Եվրո, իսկ ուղեբեռի հետ կապված ռիսկերի համար նախատեսված ապահովագրական գումարը կազմում է առնվազն 1,100 Եվրո
• Ապահովագրության պայմանագիրը համապատասխանում է բոլոր դեսպանատների պահանջներին

Պայմանագիր կնքելու համար փաստաթղթերի ցանկը

• Ապահովադրի անձնագիր

Գործողություններ պատահարի դեպքում

• Անհրաժեշտ է զանգահարել Ապահովագրական ընկերության կողմից տրամադրված Աջակցող կազմակերպության հեռախոսահամարով (աշխատում է 7/24/365, աշխատակիցները բազմալեզու են), հայտնել պայմանագրի համարը, գտնվելու վայրը և գանգատները
• Հետևալ աշխատակցի հրահանգներին, որը կգտնի համապատասխան մասնագետ ապահովագրված անձի գտնվելու վայրում և կկազմակերպի այցը և բժշկական ծառայությունների տրամադրումը

Ապահովագրական հատուցում ստանալու համար փաստաթղթերի ցանկը

Եթե առաջանում է անհրաժեշտություն ինքնուրույն վճարելու բժշկական ծառայությունների դիմաց, ապա անհրաժեշտ է հավաքել.

• Բժշկական կամ այլ հաստատության բնօրինակ տեղեկանք կտրոնները (ֆիրմային բլանկի վրա կամ համապատասխան կնիքով), որտեղ նշված պետք է լինի հիվանդի անունը, ազգանունը, բժշկական եզրակացությունը, բժշկական օգնության կամ այլ ծառայությունների դիմելու ամսաթիվը (բժշկական ծառայությունների), բուժման տևողությունը համապատասխան բուժման պրոցեսների ժամկետներով, արժեքներով և վճարման ենթակա ամբողջ գումարը
• Բուժման հետ կապված բժշկի կողմից դուրս գրված դեղատոմսերը՝ կցված կտրոններով, որոնք պետք է կնքված լինեն դեղատան կնիքով: Պետք է լինի մանրամասն ցանկ՝ յուրաքանչյուր բուժանյութի գնով
• Լաբորատոր հետազոտությունների բժշկական ուղեգրի բնօրինակը՝ կցված լաբորատոր հետազոտությունների հաշիվ-ապրանքագիրը՝ համապատասխան ամսաթվով և մատուցված ծառայությունների գներով
• Բուժման, ինչպես նաև դեղորայքի և այլ ծառայությունների համար կատարված ծախսերը հավաստող փաստաթղթեր (վճարման շտամպ, գումարի ստացման հավաստում կամ բանկային փոխանցման հաստատում)
• Անհրաժեշտ է փաստաթղթերը թարգմանել հայերեն՝ նոտարական հաստատումով: Միևնույն ժամանակ մինչև 500 պայմանական միավոր վնասների դեպքում ռուսերեն և անգլերեն լեզվով փաստաթղթերը կարող են ներկայացվել առանց թարգմանության
• Հայաստանի Հանրապետություն վերադառնալուց հետո պայմանագրով սահմանված ժամկետում ներկայանալ Ապահովագրական ընկերություն և գրել դիմում՝ ներկայացնելով փաստաթղթերը

Կայք՝ www.RGS.am Հեռ․՝ 010 59-10-10