Ամպային ծրագրերի առավելությունները ՓՄՁ-ների համար

Սա կարևոր առավելություններ ունի և՛ հաճախորդների, և՛ ծրագրային ապահովման մշակման ընկերությունների համար։ Հաճախորդների համար այն վերացնում է անհրաժեշտ ծրագրային ապահովումը տեղադրելու և կառավարելու դժվարությունները։ Ծրագրային ապահովում մշակող ընկերության տեսանկյունից այն թույլ է տալիս նույն ինժեներներին, ովքեր մշակում են ծրագրային ապահովումը, ամբողջովին մասնակցել դրա տեղադրմանը և կառավարմանը։ Արդյունքում՝ ծրագրային ապահովում մշակող ընկերությունը ստանում է ծրագրային ապահովման գործառնությունը հսկելու և օպտիմալ միջավայր ստեղծելու, ինչպես նաև հաճախորդներին ավելի լավ սպասարկելու հնարավորություն։

Ամպը օգնում է բիզնեսներին գործել և աճել բիզնեսներից չի պահանջում ունենալ ՏՏ անձնակազմ, քանի որ հեշտ է տեղադրվում։ Նոր աշխատակից ընդունելիս պարզապես հարկավոր է ավելացնել նոր օգտատեր և վճարել համապատասխան վճարը։ Եթե դուք, օրինակ, արձակուրդային շրջանին պատրաստվող փոքր մանրածախ խանութ ունեք, ապա կարող եք աշխատակիցներին ժամանակավոր էլեկտրոնային հասցե տրամադրել, ձեր տվյալների բազային և վաճառակետերի համակարգին ժամանակավոր հասանելիություն տալ։

Այսինքն՝ նոր աշխատակիցների համար, ովքեր տեխնոլոգիան օգտագործելու են երկու-երեք ամիս, ծրագրային ապահովման նոր արտոնագրեր գնելու փոխարեն դուք պարզապես կարող եք բաժանորդագրվել, ինչը ձեզ հնարավորություն կտա վճարել յուրաքանչյուր ամսվա հաշվով։

Այսօր օպերացիոն համակարգերը հիմնականում մշակվում են ամպերի համար։ Սա նշանակում է, որ այժմ դրանք ներառում են բազմաթիվ մակարդակներում ներդրված ապահովության, ռեզերվային արխիվացման, վերականգնման և վիրտուալացման գործառույթներ։ Օրինակ` եթե համակարգիչներից մեկը վնասվի, տվյալների կենտրոնի մյուս համակարգիչը ինքնաբերաբար իր վրա է վերցնում դրա գործառությունը, և օգտատերերը չեն տուժում։ Ապահովագրման շնորհիվ այս ամենը աշխատում է նաև ամբողջ տվյալների կենտրոնի մակարդակով։ Եթե տվյալների կենտրոններից մեկը տուժի բնական աղետի պատճառով, ապա մյուսը, որ գտնվում է պետության կամ աշխարհի մյուս ծայրում, ինքնաբերաբար իր վրա է վերցնում օգտատերերի բեռնվածությունը և զբաղեցնում է դրա տեղը։ Հաճախորդի տեսանկյունից ծրագրային ապահովումը շարունակում է գործել սովորականի պես։ Սա համացանցի միջոցով հասանելի բոլոր ժամանակակից ծրագրային ապահովումների համար պարտադիր պայման է։

Ի հավելումն այս բոլոր բիզնես առավելություններին, ամպն ունի նաև առավելություններ, որոնցից կարող են օգտվել անհատները։ Այն հեշտացնում է աշխատանքի համար օգտագործվող բոլոր սարքերի համաժամանակեցումը (սինխրոնիզացիան), և Դուք կարող եք փոփոխել փաստաթուղթը Ձեր հեռախոսից՝ այնուհետև ունենալով նույն թարմացված փաստաթուղթը, երբ մուտք գործեք Ձեր անձնական համակարգիչ։

Ամպային տեխնոլոգիաները հեշտացնում են թիմային աշխատանքը։ Դրանք հնարավոր են դարձնում աշխատակիցների միջև առավել սերտ համագործակցությունը և վերացնում տարբերակների վերահսկման հետ կապված խնդիրները, քանի որ դուք կարող եք առցանց հասանելիություն ունենալ փաստաթղթին և ընտրել համաժամանակյա համախմբագրման կամ միաժամանակ միայն մեկ անձի խմբագրման հնարավորությունը։

Ամպային տեխնոլոգիաների ընձեռած հնարավորությունները հսկայական են։ Եվ հիմա, ավելի քան երբևէ, փոքր բիզնեսները ևս կարող են շահավետ պայմաններով օգտվել այդ հնարավորություններից։

Կայք՝ www.microsoft.com/hy-am/about
Էլ. Հասցե՝ arminfo@microsoft.com
Հեռ.՝ 010 51-44-89