Թվային մարքեթինգի հիմնական տեսակները

Առցանց մարքեթինգի գործիքներից են.

Սոցիալական կայքերի մարքեթինգ (Social Media Marketing)

Կազմակերպությունները օգտագործում են սոցիալական կայքերը կամ դրանց հղումները, իրենց կայքերի այցելություների թիվը և բրենդի ճանաչելիությունը մեծացնելու, ինչպես նաև հաճախորդների հետ անմիջական կապի ապահովման նպատակով:

Նրանք ստեղծում են հոդվածներ, նկարներ, հայտարարություններ, որոնք կգրավեն ընթերցողներին և կդրդեն նրանց կիսվել կամ ինչ-որ կերպ արձագանքել այդ նյութերին իրենց անձնական սոցիալական էջերում: Սոցիալական ցանցերը կօգնեն կազմակերպություններին ստեղծել թիրախային հաճախորդների խմբեր և ստանալ նրանցից կարծիքներ:

Բաններային գովազդ

Կազմակերպությունները իրենց բրենդի, առաջարկների և ակցիաների վերաբերյալ տեղեկացվածությունը բարձրացնելու նպատակով տարբեր տեսակի կայքէջերում գնում են «գովազդային տարածքներ», այնպես, ինչպես օրինակ՝ ամսագրերում կամ թերթերում, որոնց վրա սեղմելով հղում է կատարվում տվյալ ապրանքանիշի պաշտոնական կայքէջը:

Էլեկտրոնային մարքեթինգ (E-mail marketing)

Կազմակերպությունները օգտագործում են ուղղակի մարքեթինգի այս տեսակը թիրախավորված խմբերի էլեկտրոնային փոստի միջոցով հաղորդագրություններ ուղարկելու համար, հաճախորդների հետ կապեր ստեղծելու, հաճախորդների հավատարմությունը խրախուսելու, բիզնեսը զարգացնելու և նոր հաճախորդներ ձեռք բերելու նպատակով:

Որոնման համակարգերի մարքեթինգ և օպտիմալացում (Search engine Optimization)

Այս տեսակը օգտագործելով՝ կազմակերպությունները բարձրացնում են իրենց կայքէջերի տեսանելիությունը որոնման համակարգերում վճարովի գովազդների տեղադրման և ճիշտ ռազմավարության վարման միջոցով, որը կոչվում է որոնման համակարգերի մարքեթինք կամ որոնման համակարգի օպտիմալացում:

Ցանցային Մարքեթինգ (Network Marketing)

Կազմակերպությունները պարգևատրում են իրենց դիստրիբյուտորներին կայքի յուրաքանչյուր այցելության կամ դիստրիբյուտորի կողմից կատարված վաճառքի դիմաց: Դիստրիբյուտորը կարող է օգտագործել գովազդելու տարբեր մեթոդներ մարդկանց Ձեր կայք ուղղորդելու և գովազդը խթանելու համար: Մարքեթինգի այս տեսակը տարբերվում է ստանդարտ մարքեթինգային ուղիներից, որոնք հիմնականում նպաստում են կապերի հաստատմանը, վստահության ու ճանաչելիության բարձրացմանը և անուղղակիորեն են կապվում ֆինանսական ցուցանիշներին: Ցանցային մարքեթինգը ուղղակիորեն կենտրոնացված է ֆինանսական արդյունքների բարելավման վրա և համարվում է վաճառքի արդյունավետ գործիքներից մեկը: Ցանցային մարքեթինգում հաճախ օգտագործվում է իրականացված վաճառքի դիմաց վճարված տոկոսային բաղադրիչի կիրառումը կամ ստացված եկամտի բաշխման մեթոդը: