Հարցնելու իրավունքը․ ինչպես և ինչու պետք է բաժնետերերը հարցեր տան

Այնուամենայնիվ, շատ բաժնետերեր լռում են․ոմանք կարծում են, թե իրենց ձայնը նշանակություն չունի, մյուսները պարզապես չգիտեն՝ ինչ հարցնել կամ երբ։ Իրականում, ճիշտ հարցերը բաժնետերերի ամենաազդեցիկ գործիքներից են՝ ապահովելու ընկերության թափանցիկությունն ու հաշվետվողականությունը։

Ինչու է դա կարևոր

Բաժնետերերն են ֆինանսավորում ընկերությունը։ Այդ պատճառով նրանք լիարժեք իրավունք ունեն տեղեկանալու՝

• Ինչպե՞ս են ընթանում գործերը,
  
• Ո՞րն է ընկերության զարգացման ուղղությունը,
  
• Ի՞նչ ռիսկեր կան,
  
• Ի՞նչ որոշումներ են ընդունվում, որոնք կարող են ազդել իրենց ներդրումների վրա։
  

Լավ ձևակերպված հարցերը ոչ միայն բարձրացնում են ղեկավարության պատասխանատվությունը, այլև բարելավում են ընկերության և նրա սեփականատերերի միջև հաղորդակցությունը։

Ի՞նչ կարող եք հարցնել

Կարող եք բարձրացնել ցանկացած հարց, որը վերաբերում է ընկերության գործունեությանը կամ Ձեր ներդրմանը, օրինակ.

• ֆինանսական արդյունքներ և միտումներ,
  
• դիվիդենտային քաղաքականություն,
  
• ռազմավարություն և աճի ծրագրեր,
  
• ռիսկերի կառավարում,
  
• ESG, կորպորատիվ կառավարում կամ ղեկավարության վարձատրություն։
  

Կենտրոնացեք այն հարցերի վրա, որոնք վերաբերում են բոլոր բաժնետերերի շահերին, այլ ոչ թե անձնական դժգոհություններին։

Ե՞րբ և ինչպե՞ս հարցնել

Հարցերն առավել հաճախ ներկայացվում են․

• Տարեկան ընդհանուր ժողովում (AGM),
  
• Նախապես ուղարկված գրավոր հարցերի միջոցով,
  
• Ներդրողների բրիֆինգների կամ այլ պաշտոնական միջոցառումների ընթացքում։
  

Խորհուրդ․ Նախօրոք ուսումնասիրեք ընկերության վերջին հաշվետվությունները, ինչը թույլ կտահարցերը ձևակերպել ավելի հստակ։

Լավ ձևակերպված հարցի օրինակ

«Այս տարի ընկերության եկամուտը նվազել է 8%-ով։ Ո՞րն է հիմնական պատճառը, և ինչ քայլեր է նախատեսում ղեկավարությունը»։

Պարզ, ոչ ագրեսիվ, ոչ անորոշ. ուղղված է տեղեկատվական և օգտակար պատասխան ստանալուն։

Ձայն ունենալու համար անհրաժեշտ չէ ունենալ 10,000 բաժնետոմս։ Եթե Դուք նույնիսկ մեկբաժնետոմս ունեք, ապա ունեք հարցնելու և՛ իրավունք, և՛ պատասխանատվություն։

Լավ ընկերությունները գնահատում են տեղեկացված ներդրողներին։ Իսկ տեղեկացված ներդրողները տալիս են ճիշտ հարցեր։