Ակբա Բիզնես ակումբ. հարթակ՝ գործարար միջավայրի զարգացման համար

Ակումբի անդամներն աշխատանքային հանդիպումների ընթացքում հնարավորություն ունեն բարձրացնել նաև բիզնեսի վերաբերյալ իրենց հուզող հարցերն ու համատեղ փորձել գտնել դրանց լուծումները։ Բանկը ստեղծել է հարթակ, որտեղ ընկերությունները կարող են ձեռք մեկնել միմյանց, խորհուրդներով փոխանակվել, ինչպես նաև կիսվել հաջողության սեփական փորձերով։

Ակբա Բիզնես ակումբը 2013-ին բանկի կողմից մեկնարկած Business Partner ծրագրի զարգացման հաջորդ փուլն է։ Ֆինանսական ծառայություններից բացի, բանկի համար կարևոր է տնտեսության համար հավելյալ արժեք ստեղծելն ու գործարար աշխարհին աջակցելը։

«Մոտ 3 ամիս առաջ մեկնարկեցինք Ակբա Բիզնես ակումբի գործունեությունը, որի նպատակն այնպիսի հարթակի ստեղծումն է, որտեղ բիզնեսը կկարողանա նոր խթան հաղորդել Հայաստանում գործարարության զարգացմանը, ինչպես նաև համագործակցության ավելի մեծ հնարավորություններ ու նոր հեռանկարներ կստեղծվեն՝ ի նպաստ մեր երկրի։ Հուսով եմ, որ ամեն հանդիպումից հետո Ակբա Բիզնես ակումբի անդամներն իրենց հետ «կտանեն» նոր գիտելիքներ ու նոր ծանոթություններ, ինչը բիզնեսների զարգացման համար կարևոր էլեմենտ է»,- նշել է Ակբա բանկի բիզնես գործառույթների համակարգման գծով գլխավոր գործադիր տնօրենի տեղակալ Արսեն Մելքոնյանը։

Ակբա Բիզնես ակումբի հատուկ խոսնակը եղել է «Մատենա» միջազգային դպրոցի համահիմնադիր և տնօրեն Ռուբեն Հայրապետյանը, ով գործարար աշխարհին պատմել է կառավարման ոլորտում ռազմավարական պլանավորման և առաջնորդության մասին։

Գործարարներն Ակբա Բիզնես ակումբին կարող են անդամակցել sme.acba.am կայքի միջոցով, որտեղ հնարավորություն կունենան ծանոթանալ նաև առաջիկա միջոցառումներին և գործընկերների հատուկ առաջարկներին։

Մանրամասները տեսանյութում՝