Ինչպես է բաժնետոմսերի շուկան պարգևատրում համբերատարներին․ պատմություններ թվերից այն կողմ

Ներդրումների աշխարհում համբերությունը պարզապես առաքինություն չէ. դա ռազմավարություն է։ Մինչ վերնագրերում շեշտվում են շուկայի ամենօրյա վերելքներն ու անկումները, իրականում բաժնետոմսերի շուկան հանդարտ կերպով պարգևատրում է նրանց, ովքեր մտածում և գործում են երկարաժամկետ հեռանկարում։

Եկեք տեսնենք, թե ինչպես է երկարաժամկետ մտածողությունը հաղթում կարճաժամկետ գործողություններին և ինչու են ամենահաջողակ ներդրողները հաճախ ամենաքիչը առևտուր անում։

1.Շուկան կանխատեսել, թե՞ պարզապես մնալ խաղի մեջ

«Գնել էժան, վաճառել թանկ» միտքը հնչում է իդեալական, բայց իրականում այն հազվադեպ է գործում։

Միայն վերջին տասնամյակի ընթացքում շուկայում լավագույն 10 օրերը բաց թողնելը կարող էր կրճատել ձեր եկամուտը ավելի քան 40%-ով։

«Ճիշտ պահը» որսալու փոխարեն կենտրոնացեք շուկայում անցկացրած ժամանակի վրա՝ թույլ տալով, որ ձեր կապիտալն ու դիվիդենտները բնականոն կերպով աճեն և կուտակվեն։

Օրինակ՝ 2002–2022 թվականներին S&P 500 ինդեքսը երկարաժամկետ ներդրողների համար ապահովել է տարեկան մոտ 9.8% եկամտաբերություն։ Բայց եթե բաց թողնեիք լավագույն 20 օրերը, ձեր եկամտաբերությունը կիջներ ընդամենը 3.6%-ի։

2.Տատանումները նորմալ են․ կարևորն այն է, որ չհեռանաք շուկայից

Շուկաները միշտ էլ ունեն վերելքներ և անկումներ։ Դա բնականոն ընթացք է։ Բայց պատմությունը ցույց է տալիս, որ նրանք, ովքեր մնում են ներդրված նաև անկման շրջանում, ամեն անգամ ավելի ուժեղացած են դուրս եկել։

Հիշեք. յուրաքանչյուր ճգնաժամից հետո լինի դա 2008-ի ֆինանսական փլուզումը, COVID-19-ը կամ dot-com փուչիկը, համբերատար ներդրողները վերականգնվել են և մի քանի տարվա ընթացքում հասել նոր ռեկորդների։

Բաց դասը պարզ է. կարճաժամկետ փախողումը հաճախ տանում է դեպի երկարաժամկետ շահույթի։

3.Բարդ տոկոսները լավագույնը գործում են տասնամյակների ընթացքում

Ձեր ներդրումները որքան երկար մնան շուկայում, այնքան ուժեղ է դառնում բարդ տոկոսի ազդեցությունը. «տոկոս տոկոսի վրա»։

Փոքր օրինակ․ եթե ներդնեք $10,000՝ տարեկան 8% եկամտաբերությամբ, ապա.

• 5 տարի հետո կունենաք $14,700
• 10 տարի հետո՝ $21,600
• 20 տարի հետո՝ $46,600

Սա մոգություն չէ։ Դա պարզապես համբերություն, հետևողականություն և ժամանակ է։

4.Լեգենդար ներդրողները մտածում են երկարաժամկետ

Վորեն Բաֆեթը իր հարստության ավելի քան 99%-ը կուտակել է 50 տարեկանից հետո՝ պարզապես մնալով ներդրված և թույլ տալով, որ բարդ տոկոսն աշխատի։

Նրա հայտնի խոսքերն են․

«Բաժնետոմսերի շուկան այն համակարգն է, որը գումար է փոխանցում անհամբերներից դեպի համբերատարները»։

Վերջաբան

Բաժնետոմսերի շուկան խաղատուն չէ։ Դա հարստություն ստեղծելու գործիք է նրանց համար, ովքեր մտածում են երկարաժամկետ։

Այո՛, ճանապարհը լի է վերելքներով և վայրէջքներով, բայց պատմությունը հաստատում է՝ համբերատար ներդրողը միշտ հաղթում է։