Արհեստական բանականություն

Արհեստական բանականության հասկացության սահմանումը ժամանակի ընթացքում փոխվել է, բայց հիմքում միշտ եղել է այնպիսի տեխնոլոգիաներ կառուցելու գաղափարը, որոնք կարող են մարդու նման մտածել: Այսպիսով`Արհեստական բանականությունը կարելի է պատկերացնել որպես աբստրակտ, ստեղծագործական և դեդուկտիվ մտքի հնարավորության վերարտադրող՝ հատկապես հաշվի առնելով արհեստական բանականության սովորելու ունակությունը` համակարգիչների թվային, բինար տրամաբանությունը օգտագործելու միջոցով:

Իմաստը ոչ թե մարդուն ԱԲ խաղերում որպես հաղթող ունենալն է, այլ մարդու և տեխնոլոգիաների համագործակցությամբ նոր լուծումների ստեղծումն է, որի արդյունքում աշխարհը կփոխվի դեպի ավելի լավը:

Արհեստական բանականությունը (ԱԲ) կազմակերպություններին օգնում է կառավարել սմարթ տեխնոլոգիաներից, սենսորներից, սարքերից ու այլ աղբյուրներից եկող տվյալների բուռն հոսքը:

Տնտեսական տարբեր ոլորտներում և ֆինանսական աշխարհում Արհեստական բանականությունը մի շարք կիրառություններ ունի՝ խարդախությունների հայտնաբերումից մինչև հաճախորդների սպասարկում՝ կանխատեսելով, թե ինչպիսի ծառայություններ են անհրաժեշտ հաճախորդներին: Արտադրության մեջ այն օգտագործվում է աշխատուժը և արտադրական պրոցեսները կառավարելու, ինչպես նաև թերությունների ի հայտ գալուց առաջ դրանք կանխատեսելու համար՝ այդպիսով տալով պրոֆիլակտիկ սպասարկման հնարավորություն:

Ինչ վերաբերում է սպառողների կողմից առօրյայում օգտագործվող տեխնոլոգիաներին, ապա դրանցում օրեցօր ավելի մեծ մաս են կազմում Արհեստական բանականության վրա հիմնված կիրառությունները՝ Մայքրոսոֆթի Կորտանայի և Էփլի Սիրի-ի նման սմարթ հեռախոսների օգնականներից մինչև ինքնագնաց ու ինքնաշխատ մեքենաներ, որոնց թիվը շատերի կանխատեսմամբ կգերազանցի վարորդով ղեկավարվող մեքենաների թվին:

Այս փոքր քայլերը անխուսափելիորեն տանում են դեպի ապագա, որտեղ ամենօրյա խնդիրների լուծման հարցում մշտապես հույս ենք դնելու Արհեստական բանականության վրա: Մոտ ապագայում ԱԲ-ն կօգտագործվի նոր հնարավորություններ հայտնաբերելու և դրանցից առավելագույն օգուտ քաղելու նպատակով՝ արտադրանքները նորացնելու միջոցով: Առաջատար կազմակերպությունները շահույթ կստանան իրենց տեղեկատվական ռեսուրսներից և նոր բիզնես հնարավորություններ կփնտրեն՝ խթանելով ապագայի՝ տեղեկատվությամբ կառավարվող տնտեսությունը:

Կայք՝ www.microsoft.com/hy-am/about
Էլ. Հասցե՝ arminfo@microsoft.com
Հեռ.՝ 010 51-44-89