Թվային մտածողությունն իբրև ռազմավարություն

1. Որդեգրե՛ք «նախ՝ թվայինը» մտածողությունը. թվային բիզնես դառնալու առաջին քայլերից մեկը «նախ՝ թվայինը» մտածելակերպը որդեգրելն է։ Երբ կազմակերպության բոլոր անդամները գիտեն՝ ինչ է հնարավոր անել թվային տեխնոլոգիաների միջոցով, բիզնեսը կարող է ավելի արագ արձագանքել և մատուցել անհատական մոտեցում, ինչը և հաճախորդները հիմա ցանկանում են տեսնել։ «Նախ՝ թվայինը» մտածողությունը բոլոր աշխատակիցներին մղում է թվային նորարարության դաշտ։ Չնայած նրան, որ ՏՏ-ն գործընթացի կարևոր մաս է հանդիսանում, մարքեթինգի և վաճառքի բաժինն է, որ գլխավորում է թվային փոխակերպումը: Որքան ավելի հաջողությամբ կազմակերպությունը կարողանա թվային աշխատավայր կառուցել, այնքան ավելի հավանական է, որ նման կազմակերպությունը կգրավի տաղանդավոր մասնագետների և կկարողանա զարգացնել թվային-մտածողության մշակույթը՝ աջակցելով իրենց բիզնեսի վերափոխմանը։

2. Վերաիմաստավորե՛ք բիզնեսը. Թվային փոխակերպումն ավելին է, քան պարզապես անալոգային գործընթացները թվայնացնելը. այն բիզնեսից պահանջում է ամբողջովին վերաիմաստավորել իր գործառույթները ժամանակակից աշխարհում։ Գործընթացը նաև ներառում է հաճախորդների փորձի վերաիմաստավորում՝ հասկանալու համար, թե ինչ փորձառություն ունեն մարդիկ Ձեր կազմակերպության հետ իրենց կյանքի տարբեր փուլերում։ Բիզնեսները պետք է վերագնահատեն իրենց գործընթացները ոչ միայն արդյունավետության մեծացման և ծախսերի խնայման, այլև շուկա մտնելու համար պահանջվող ժամանակի կրճատման և բիզնեսի տարբերակման համար։ Այս ամենի շնորհիվ բազմաթիվ կազմակերպություններ փոխել են իրենց բիզնես մոդելները, վերասահմանել իրենց ոլորտները և օգտագործել շուկայի նոր հնարավորությունները։

3. Զուգորդե՛ք ամեն ինչ. կազմակերպության միջոցով մարդկանց, գործընթացները, իրերն ու տվյալներն իրար կապելը թվային բիզնեսի հիմնաքարերից է։ Հենց սա է, որ թույլ է տալիս կազմակերպություններին գտնել նախկինում չօգտագործված պատկերացումներ և փոխել մարդկանց փորձառությունը։ Այս գործակցությունն ամենուրեք է։ Երբ ամեն ինչ զուգորդված է՝ հետազոտությունից և զարգացումից, մարքեթինգից ու վաճառքներից մինչև վերջին օղակը՝ հաճախորդը, ապա բիզնեսները ոչ միայն ավելի ճկուն և լավ տեղեկացված են, այլև կարող են ձևափոխել իրենց և հաճախորդների հետ իրենց հարաբերությունները։

Կայք՝ www.microsoft.com/hy-am/about
Էլ. Հասցե՝ arminfo@microsoft.com
Հեռ.՝ 010 51-44-89