Ինչպե՞ս կառավարել ինտերնետային և ֆիզիկական վայրում գտնվող խանութները

Սակայն երբեմն երկու տարբերակների համադրությունը կարող է որոշակի դժվարություններ ստեղծել: Միմյանց լրացնելու փոխարեն՝ վիրտուալ և ֆիզիկական խանութները կարող են ընդհարում առաջացնել՝ ի վնաս ձեր վերջնական արդյունքի:

Կարելի է խուսափել դրանից: Ահա հինգ խորհուրդ, որ Ձեզ կօգնեն կառավարելու Ձեր ինտերնետային ու ֆիզիկական խանութները:

Միշտ կապ պահպանե՛ք Ձեր հաճախորդների հետ

Ձեռնարկությունը կարող է տեսադաշտից կորցնել իր հաճախորդներին և նրանց ցանկությունները ու արժեքները: Դա կարող է պատահել, օրինակ, մանրածախ ձեռնարկության հետ, որը սկսել է իր գործունեությունը ինտերնետ խանութից կամ որը սկսել է իր գործունեությունը ավանդական խանութից և այնուհետև ակտիվորեն ընդլայնվել դեպի ինտերնետ հարթակ:

Քանի որ ինտերնետը ամենամտերիմ միջավայրը չէ, և արագությունը հաճախ ավելի առաջնային է, քան անհատական մոտեցումը, այդ մեթոդը կարող է տարածվել ձեր ձեռնարկության ավանդական խանութում կատարվող անձնական գործարքների վրա: Եթե զգում եք, որ ինտերնետային առևտրից պակասում է այդ մոտեցումը, օգտագործե՛ք Ձեր ավանդական խանութը՝ հաճախորդների հետ կապը վերահաստատելու համար:

Խոսե՛ք ձեր հաճախորդների հետ և ծանոթացե՛ք նրանց նախասիրություններին ու նախապատվություններին: Այդպիսով` կսկսեք կրկին կապ հաստատել թե՛ ինտերնետային, թե՛ ավանդական հաճախորդների բազմության հետ:

Երկու ձևի համար պահպանե՛ք միևնույն միջավայրը

Հաճախորդը տեսնում է խանութի կայքէջը և ավելի ուշ որոշում այցելել ձեռնարկության ավանդական խանութ ու հայտնաբերում, որ խանութը կտրուկ տարբերվում է ինտերնետում ներկայացված պատկերից: Դա շփոթեցնող է հաճախորդի համար և նաև հուշում է, որ տվյալ ձեռնարկության համար հետևողականությունն ու կշռադատումը երկրորդական են: Հոգ տարեք, որպեսզի այն աշխատանքի սկզբունքը, որը գնորդները տեսնում են ձեր կայքէջում, ճշգրտորեն արտացոլի այն տպավորությունը, որը ստանալու են անհատական շփման ժամանակ:

Հետևողականորեն արժևորե՛ք ապրանքները

Գրավիչ ապրանքի՝ ինտերնետի և խանութի գների միջև անհամապատասխանություն նկատելուց ավելի զայրացնող բան չի կարող լինել: Միշտ էլ կարող են լինել միայն ինտերնետային վաճառքի համար նախատեսված զեղչեր կամ կարող եք գովազդել ապրանքներ, որոնք ժամանակ առ ժամանակ խանութում ավելի էժան են, քան առցանց: Սակայն հիմնականում համապատասխանեցված պահեք գները:

Ապրանքները պետք է երկու վայրերում էլ ներկայացված լինեն

Եվս մեկ անգամ նշենք. երբեմն կարող է արդյունավետ լինել բացառապես ինտերնետով կամ միայն խանութի տեսականու մեջ ինչ-որ բան առաջարկելը: (Սա հատկապես արդյունավետ կլինի, եթե փորձում եք այդ հարթակներից որևէ մեկում առևտուր ակտիվացնել): Սակայն հաճախորդները, որպես կանոն, գրկաբաց ընդունում են հետևողականությունը և կանխատեսելիությունը: Խանութներում առևտուր ակտիվացնելու համար կարող եք օգտագործել ինտերնետը, բայց եթե խանութում ապրանք կամ ծառայություն եք առաջարկում, այն հասանելի դարձրեք նաև ինտերնետում:

Թող ինտերնետային խանութը միայն գնումների համար չծառայի

Եզրափակիչ ծուղակը կայանում է Ձեր կայքէջը որպես միայն գնումների համար կայք ներկայացնելու մեջ: Ձեր ավանդական խանութի միայն ինտերնետային հայելապատկերը դարձնելու փոխարեն փորձե՛ք այնպես անել, որ Ձեր կայքէջը ուժեղացնի գնորդի տպավորությունները: Ինչպե՞ս անել դա: Մի մոռացեք ապրանքի մասին տեղեկություն, համեմատության մեթոդներ և այլ ռեսուրսներ տրամադրել, որոնց միջոցով այցելուն կարող է ավելի լավ տեղեկանալ Ձեր ապրանքների մասին: Այդպիսով ոգևորե՛ք նրանց պատվերներ կատարել կամ այցելել Ձեր ավանդական խանութ:

Հնարավոր է՝ մտածում եք, որ միջոցներ եք խնայում՝ չնորացնելով Ձեր տեխնոլոգիաները, բայց հսկայական հնարավորություն եք բաց թողնում արդյունավետության, անվտանգության, շարժականության ու աշխատելաոճի մեջ ընդհանուր ճկունության տեսանկյունից: Ժամանակակից տեխնոլոգիան կարող է հեղափոխել Ձեր աշխատելակերպը, օգնել Ձեզ աճել, գոհացնել Ձեր աշխատողներին ու հաճախորդներին և Ձեր ձեռնարկության միջոցները խնայել՝ հօգուտ արդյունավետության:

Կայք՝ www.microsoft.com/hy-am/about
Էլ. Հասցե՝ arminfo@microsoft.com
Հեռ.՝ 010 51-44-89