Իրերի համացանց

Թվային ինովացիայի փորձագետ Քեվին Աշթոնը, ում վերագրվում է «Իրերի համացանց» եզրույթը շրջանառության մեջ դնելը, այն սահմանում է հետևյալ մեջբերմամբ. «Եթե ունենայինք համակարգիչներ, որոնք ամեն ինչի մասին ամեն հնարավոր բան իմանային՝ օգտագործելով առանց մեր որևէ օգնության հավաքագրված տվյալներ, կկարողանայինք հետևել ամեն ինչին ու հաշվել ամեն ինչ՝ մեծապես կրճատելով վնասները, կորուստներն ու ծախսերը, կիմանայինք՝ երբ պետք է փոխարինել, վերանորոգել կամ վերացնել որևէ բան, և արդյո՞ք այն թարմ է, թե ժամկետանց»:

Իրերի համացանցը ֆիզիկական աշխարհը մեկ հսկայական տեղեկատվական համակարգ է դարձնում: Որոշ կանխատեսումների համաձայն՝ մինչև 2020 թվականը այն կընդգրկի 50 միլիարդ կապակցված սարք: Այն ձեռնարկությունները, որոնք կսովորեն ընդգրկել Իրերի ինտերնետի ստեղծած տվյալները, կանգուն կմնան և կբարգավաճեն ապագայում:

Պարտադիր չէ, որ Իրերի համացանցի միջոցով թվային բիզնեսի վերափոխումը հսկայական լինի: Ձեռնարկությունները կարող են սկսել քչից՝ փոքր փոփոխություններից, որոնք կարող են մեծ ազդեցություն ունենալ: Դա սկսվում է՝ հիմնվելով արդեն իսկ գործող ենթակառուցվածքի վրա՝ ձեր ունեցած «իրերը» նորովի օգտագործելով, այնուհետև նորացնելով և օպտիմալացնելով, մինչև որ ամենն ավելի միահամուռ կգործի:

Մանրածախ առևտրում սա կարող է նշանակել ավելի խելացի POS-տերմինալների կիրառում՝ վերլուծությամբ կառավարվող խաչաձև վաճառքի կամ հավելավաճառքի առաջարկներ խթանելու համար: Առողջապահության մեջ սա կարող է ռացիոնալացնել հիվանդների խնամքը կապակցված մոնիտորների, տաբլետների և ցուցանակների միջոցով՝ ավելի արագ կերպով բուժում տրամադրելով ավելի մեծ քանակով մարդկանց: Արտադրողները կարող են օգտագործել սենսորները գործարանների հատակներին՝ ապահովելու խելացի, կապակցված գործողություններ, որ դինամիկորեն կադապտացվեն շուկայի և հաճախորդի պահանջմունքներին։

Թվային փոխակերպումները մոտ տարիներին կվերափոխեն աշխարհի քաղաքները՝ ներառելով ջրային համակարգերը, փրկարար, ոստիկանական և բժշկական ծառայությունները, ինչպես նաև երթևեկությունը և էլեկտրականությունը։ Սենսորները կբերեն նախադեպը չունեցող օպերատիվություն՝ իրական ժամանակում պատկերացում տալով բնակչության և ենթակառուցվածքների մասին։

Կայք՝ www.microsoft.com/hy-am/about
Էլ. Հասցե՝ arminfo@microsoft.com
Հեռ.՝ 010 51-44-89