Ամպային մոդելների արժեքները

Ծրագրային ապահովումն ընտրելիս կարևոր գործոն է արժեքը։ Զանազան տարբերակների համար արժեքի որոշումը կարող է դժվար լինել։ Ձեր կազմակերպությունում գտնվող լուծումների համար արտոնագրման ծախսերը կարող են ավելի քիչ թվալ, քան ամպային տեխնոլոգիայով աշխատող ծրագրային ապահովման արտոնագրումը։ Սակայն Ձեր կազմակերպությունում գտնվող ծրագրային ապահովումը ենթադրում է նաև համապատասխան մարդկանց և ենթակառուցվածքի առկայություն, որ անհրաժեշտ են ծրագրային ապահովումը տեղադրելու և սպասարկելու համար։

Ենթակառուցվածքը ներառում է անվտանգությունը, բարձր հասանելիությունը, ռեզերվային արխիվացումը և վերականգնումը, ինչպես նաև վերականգնումն աղետի դեպքում։ Այն նաև ընդգրկում է տվյալների կենտրոնի համար անհրաժեշտ տարածքը, հովացման համակարգերը և էներգիայի պահեստավորումը։

Ձեռնարկության համար նախատեսված ծրագրային ապահովման համար անհրաժեշտ ենթակառուցվածքի մասին ամբողջովին պատկերացում կազմելը կարող է դժվար լինել։ Ենթակառուցվածքի բնույթն ամպային տեխնոլոգիաներին անցնելու հիմնական պատճառներից է. շատ հեշտ է հաշվել ամպային հիմքով աշխատող ծառայության արժեքը։ Ամպային տեխնոլոգիայով աշխատող ծրագրային ապահովման արժեքը սովորաբար հաշվվում է ըստ օգտագործողների թվի, և ենթակառուցվածքի բեռն ընկնում է ամպային հիմքով ծրագրային ապահովում մատուցող ընկերության վրա։

Կազմակերպությունում գտնվող ծրագրային ապահովման դեպքում արժեքի հաշվումը լավ հաշվարկված ենթադրություն է։ Նախնական հաշվարկներով կարող եք ստանալ մի արժեք, սակայն հետո կպարզվի, որ հաշվի չէիք առել աղետի հնարավորությունը, որի ժամանակ տվյալների կենտրոնը ամբողջովին զրկվում է էլեկտրաէներգիայից։ Այս դեպքում հարկավոր կլինի նախատեսել աշխարհագրորեն առանձնացված մեկ այլ տվյալների կենտրոն՝ տվյալների ամբողջականության քաղաքականությանը համապատասխանելու համար։ «Ծրագրային ապահովումն՝ ինչպես ծառայություն» մոդելի դեպքում արժեքի հաշվարկը պարզ է և հստակ, իսկ ենթակառուցվածքների սպասարկման բեռն ամբողջովին ընկնում է ծառայություն առաջարկող ընկերությունների, ինչպես օրինակ՝ Microsoft-ը, Amazon-ը կամ Google-ը ։

Կայք՝ www.microsoft.com/hy-am/about
Էլ. Հասցե՝ arminfo@microsoft.com
Հեռ.՝ 010 51-44-89