Դրամական հոսքերի հաշվետվության ձևանմուշ

Դրամական հոսքերի հաշվետվությունը տրամադրում է ընդհանուր տեղեկատվություն կազմակերպության բոլոր դրամական մուտքերի և ելքերի վերաբերյալ: Դրամական հոսքերը որոշվում են` դիտարկելով այն երեք բաղադրիչները, որոնց շնորհիվ դրամական միջոցները մուտք են գործում կամ ելքագրվում են: Այն ներդրողներին հնարավորություն է ընձեռում հասկանալ, թե ինչպես են կազմակերպության գործառնություններն իրականացվում, որտեղից է գումարը մուտք գործում և ինչպես է ծախսվում:

Դրամական հոսքերը լինում են՝

• գործառնական գործունեությունից՝ ապրանքների կամ ծառայությունների վաճառքից ստացվող դրամական հոսք
• ներդրումային գործունեությունից՝ սարքավորում գնելուց կամ վաճառելուց ստացվող դրամական հոսք
• ֆինանսավորման գործունեությունից՝ վարկի տեսքով ստացվող դրամական հոսք

Դրամական հոսքերի հաշվետվությունը տարբերվում է ֆինանսական արդյունքների մասին հաշվետվությունից և հաշվապահական հաշվեկշռից, քանի որ այն չի ներառում հետագա մուտքերը և ելքերը, որոնք կարող են առաջանալ հետաձգված վճարման կամ փոխառության դեպքում: Ուստի կանխիկը և զուտ եկամուտը միմյանցից տարբերվում են:

Կից ներկայացված ներբեռնելի դրամական հոսքերի ձևանմուշը ստեղծված է դրամական հոսքերը հաշվելու գործընթացը ավելի պարզ դարձնելու նպատակով:

Առանձնահատկությունները

• Ներբեռնել ձևանմուշը մեկ անգամ և հնարավորություն ստանալ օգտագործել այն նորից ու նորից
• Ձևանմուշն օգտագործելը բավականին հեշտ է: Պարզապես պետք է մուտքագրել Ձեր տվյալները և պահպանել կամ տպել
• Ձևանմուշն իր մեջ արդեն ներառում է մուտքերի և ելքերի հիմնական աղբյուրներ
• Ձևանմուշը կարող է ամբողջովին հարմարեցվել Ձեր կարիքներին՝ Դուք կարող եք ավելա
• ցնել և/կամ հեռացնել տարրեր կամ փոխել ձևաչափը