Մագհայ հյուրատուն

Վանաձորում Մարինե Դավթյանն ընտանիքի հետ իր տնից է սկսել հյուրատնային բիզնեսն ու այն կոչել «Մագհայ»: Տարիներ առաջ մեկնարկած գործն օր օրի զարգանում է. հյուրեր են ընդունում աշխարհի տարբեր անկյուններից: Զբոսաշրջիկների արագ աճող հոսքին զուգահեռ որոշեցին ընդլայնել բիզնեսն ու հյուրատանը 2-րդ հարկ կառուցել։

Նախաձեռնությանն առաջինը արձագանքեց բիզնես գործընկերը՝ Ակբա Բանկը: Սկսվեցին հյուրատան 2-րդ հարկի կառուցման աշխատանքները:

«Մեր 2-րդ հարկը կառուցել ենք 2018 թվականին՝ մեկ տարվա ընթացքում։ Մեծ աջակցություն ունի մեր գործընկեր Ակբա բանկը, որ կարողացանք հասնել մեր նպատակին։ 2019 թվականի հունվարի 1-ին առաջին ամրագրումն էր հյուրատան նոր սենյակներում: Աշխատել էինք մինչև դեկտեմբերի 31-ը՝ գործն ավարտին հասցնելու համար»,- պատմում է Մարինե Դավթյանը։

Ձեռներեցությունը զարգացնելու նպատակով Ակբա Բանկի կազմակերպած անվճար բիզնես դասընթացներին տիկին Մարինեն ընտանիքի մյուս անդամների հետ ևս մասնակցել է՝ ընտանեկան բիզնեսը մեկ քայլ էլ առաջ շարժելու համար:

«2019-ին ստացել ենք հրավեր Ակբա բանկի դասընթացներին մասնակցելու համար: Այդ դասընթացների արդյունքում ոչ միայն գիտելիքներ ես ձեռք բերում, այլ նաև մարդկային շփումը օգուտ է տալիս, ստեղծվում են նոր կապեր»,-նշում է տիկին Մարինեն: