8 միֆ ֆրանչայզինգի մասին

Ֆրանչայզինգի ձևաչափերը բազմազան են, այն կարող է գործել տարբեր ոլորտներում և առաջարկել ներդրումային ծրագրերի լայն շրջանակ, որոնք համապատասխանում են գրեթե ցանկացած բյուջեի: Չնայած ֆրանչայզինգը ունի մի շարք առավելություններ, սակայն, ֆրանչայզինգային գործունեություն սկսելիս կենսական նշանակություն ունեն Ձեր նախնական ուսումնասիրությունները և վերլուծությունները՝ նախքան արտոնություն ձեռք բերելու որոշում կայացնելը:

Ֆրանչայզինգի հետ կապված գոյություն ունեն բազմաթիվ միֆեր և սխալ պատկերացումներ: Այդ միֆերը հերքելու լավագույն միջոցը դրանք մանրակրկիտ ուսումնասիրելն է՝ նախքան ֆրանշիզա ձեռք բերելը։

1. Ֆրանչայզինգը չափազանց թանկ է։

Ֆրանչայզինգի դրական կողմերից մեկն այն է, որ կարելի է համապատասխանեցնել ցանկացած բյուջեի: Շատ ֆրանշիզաներ կարելի է ձեռք բերել $200.000-ից պակաս գնով, իսկ որոշները, ինչպիսիք են օրինակ՝ «Сдек»-ը կամ «33 Пингвин» պաղպաղակների ցանցը՝ 7.000-11.000 դոլլար արժեքով: Բացի միանվագ, նախնական արտոնագրման վճարից և հոնորարներից, մյուս ծախսերը հիմնականում նույնն են՝ ինչ սեփական բիզնեսը սկսելու դեպքում։ Ֆրանչայզինգում ներդրումները կարող են հարմարեցվել Ձեր կողմից նախատեսված բյուջեին։

2. Փորձի բացակայություն։

Եթե Դուք մտածում եք, որ չունեք փորձ և այդ պատճառով չեք կարող զբաղվել ֆրանչայզինգային գործունեությամբ, ապա հիշեք, որ ֆրանչայզինգի առանձնահատկությունը նրանում է, որ այն առաջարկում է հնարավորություններ ցանկացած ոլորտում: Սա հիանալի հնարավորություն է Ձեր նախընտրած ոլորտում բիզնես գործունեությամբ զբաղվելու, ուսուցում ու շարունակական աջակցություն ստանալու համար։

3. Ֆրանչայզինգի հնարավորությունները միայն արագ սննդի ու մանրածախ առևտրի ոլորտներում են:

Երկար տարիներ ֆրանչայզինգի ոլորտում գերակշռում էին մանրածախ առևտուրն ու արագ սնունդը, բայց դա այլևս այդպես չէ: Պոտենցիալ ֆրանչայզիները կարող են ֆրանչայզինգի հնարավորություն գտնել գրեթե յուրաքանչյուր ոլորտում։ Ամեն տարի Entrepreneur ամսագիրը հրապարակում է լավագույն ֆրանշիզաների ցանկը, և լավագույններից մի քանիսը ոչ միայն սննդի կամ մանրածախ առևտրի, այլ նաև հյուրընկալության, ավտոմեքենաների վերանորոգման, աղետների վերականգնման, ֆիթնեսի, խնամքի և հաղորդակցության ոլորտներում են:

4. Հաջողությունը միշտ երաշխավորված է:

Թեև ֆրանչայզինգի ընձեռած հնարավորությունները շատ են, դրանք ինքնաբերաբար չեն երաշխավորում Ձեր գործունեության հաջողությունը: Ֆրանչայզերները տրամադրում են գործիքներ հաջողության հասնելու համար, բայց չեն կարող երաշխավորել Ձեր գործունեության հաջողությունը: Ֆրանշիզա ունենալը իրականում բարդ է, իսկ Ձեր հաջողության միակ պատասխանատուն ինքներդ եք: Այնուամենայնիվ պետք է շեշտել, որ, ըստ հետազոտությունների, սկսնակ բիզնեսների 70-90%-ը ձախողում է առաջին տարում, իսկ ֆրանշիզայի դեպքում ցուցանիշը շատ ավելի ցածր է՝ միայն 20-30-% չի հաջողում առաջին տարում։

5. Ֆրանչայզինգն ավելի հեշտ է, քան սեփական բիզնեսը սկսելը։

Որոշ առումներով այս միտքը ճիշտ է: Ֆրանչայզինգը թույլ է տալիս գործել առանց այնպիսի նախնական փուլերի, ինչպիսիք են՝ արտադրանքի մշակումը, մատակարարի ընտրությունը, բիզնես պլանավորումը և ներդրողների որոնումը: Սակայն դա չի նշանակում, որ մեկնարկի սկզբնական փուլերը բաց թողնելով ճանապարհն ավելի հեշտ կլինի: Ֆրանչայզինգը պահանջում է նույն հմտություններն ու պարտականությունները, ինչ բիզնեսը զրոյից սկսելը՝ աշխատակիցների կառավարում, ծախսերի կրճատում, աշխատավարձ և այլն:

6. Ընտրեք հայտնի անունով արտոնություն։

Բրենդը կարող է աշխատել Ձեր օգտին կամ Ձեր դեմ։ Եթե բրենդը հաջողակ է, Դուք ավելի շատ մարդկանց կարող եք գրավել, բայց եթե բրենդը այդքան էլ հաջողված չէ, Ձեր բիզնեսը նույնպես կտուժի: Գործարարների համար հեշտ է հավատալ, որ հայտնի բրենդը նշանակում է հաջողակ բիզնես, բայց մարդիկ այնքան էլ հավատարիմ չեն բրենդին, որքան մենք կարծում ենք: Բրենդը չպետք է լինի առաջնային, երբ փնտրում եք ֆրանշիզա. այնպիսի կետեր, ինչպիսիք են՝ ներդրումների վերադարձը, հաջողության մակարդակը, կառուցվածքը, արտադրանքի որակը և նախնական ներդրումները, ավելի առաջնային են:

7. Ֆրանչայզերը մտածում է միայն հոնորարների մասին, ոչ թե ֆրանչայզիի հաջողությունների մասին։

Ֆրանչայզերները ցանկանում են, որ իրենց ֆրանչայզիները հաջողակ լինեն. առանց հաջողակ ֆրանչայզիի նրանք չէին կարողանա ստանալ հոնորարներ: Ֆրանչայզերի շահերից է բխում օգնել իր ֆրանչայզիներին հաջողակ բիզնեսներ վարել:

8. Հեշտ է ֆրանչայզից հեռանալը:

Ընդհանրապես, ֆրանչայզից դուրս գալն ավելի դժվար է՝ ի տարբերություն սեփական բիզնեսի: Ֆրանչայզից դուրս գալու դեպքում շատ կարևոր է պայմանագիրը մանրամասն կարդալը, որպեսզի իմանաք, թե ինչ սպասել ելքի փուլում: Հաճախ ֆրանչայզերները ցանկանում են պաշտպանել իրենց արտոնությունների շուկան, այդ իսկ պատճառով արտոնագրման պայմանագրերի մեծ մասը պարունակում է ոչ մրցակցային դրույթներ դադարեցման հետ կապված: Պայմանագիրը վաղաժամկետ դադարեցնելը կարող է նաև հանգեցնել մեծ ծախսերի և/կամ պայմանագրի խզման հետ կապված դատական ​​գործընթացների:

Կայք՝ Afra.am

Էլ. հասցե՝ info.afra.am@gmail.com

Հեռ.՝+374 41616141