Ստարտափի հաջողության բանաձևը. շուկան, թիմը և ճկունությունը

1. Բիզնես գաղափարն առաջնային որպես իրական խնդրի լուծում

Շատ բիզնեսմեններ սկսում ենիրենց հոգեհարազատ գաղափարի իրականացումն առանց շուկայի իրական կարիքների խորքային ուսումնասիրության։ Ուսումնասիրի՛ր շուկան հասկանալու համար, թե արդյոք գոյություն ունի պահանջարկ, և արդյոք քո առաջարկած լուծումը կբավարարի իրական խնդրի լուծմանը։

Օրինակ, Airbnb-ն հիմնվեց ճանապարհորդների համար մատչելի և յուրահատուկ հյուրընկալության պահանջի հիման վրա։

2. Փոքր գործունակ արտադրանք (MVP) և հետադարձ կապի հիման վրա համապատասխան շտկումներ

Մի՛ սպասիր, որպեսզի արտադրանքը կատարյալ պատրաստ լինի։ Ստեղծի՛ր նվազագույն չափորոշիչներով գործունակ արտադրանք, հավաքիր օգտատերերի արձագանքները և շտկիր այն՝ ըստ իրական տվյալների։

Spotify-ի հիմնադիրները սկզբում մշակեցին երաժշտական հոսքային ծառայության պարզ տարբերակը, որը հետագա մշակումն իրականացնում էին օգտատերերի կարծիքների հիման վրա։

3. Լավ թիմը բիզնեսի հաջողության անկյունաքար

Համոզվի՛ր, որ թիմիդ անդամները լրացնում են քո հմտությունները և կիսում են ընդհանուր նպատակն ու տեսլականը։

Twitter-ի վաղ շրջանում թիմի ոչ միատարրությունն ազդեց կառավարման վրա, բայց թիմային փոփոխությունները հանգեցրեցին նոր հաջողությունների։

4. Ճկուն գործելակերպ և արդյունքների չափելիություն

Պատրա՛ստ եղիր փոփոխել բիզնես մոդելը և ռազմավարությունը շուկայի պահանջների կամ տեխնոլոգիական զարգացումների հիման վրա։

Netflix-ը անցավ DVD վարձույթից հոսքային ծառայության՝ ճկուն գտնվելով և արձագանքելով շուկայի փոփոխություններին։

5. Մենթորների և փորձառու խորհրդատուների աջակցություն

Սխալ կլինի կարծել, որ ամեն ինչ կարելի է միայնակ անել։ Փորձառու մենթորների աջակցությունն օգնում է արագ կողմնորոշվել և խուսափել հիմնական սխալներից։

Դասեր հայտնի ձախողումներից

• Theranos. Տեխնոլոգիական կեղծ պնդումները և թափանցիկության պակասը հանգեցրին խոշոր ձախողման։
• Quibi-ն ձախողվեց, որովհետև․
• Սկսեց սխալ պահին (2020թ COVID-19 համավարակ),
• Չկար հստակ շուկայական պահանջ,
• Ապրանքը տեխնիկապես ու ռազմավարապես սահմանափակ էր,
• Չկար երկարաժամկետ դիտողություն ներգրավելու ներուժ։

Սա դաս էր, որ խոշոր ներդրումները չեն երաշխավորում հաջողություն, եթե շուկայի պահանջարկը և իրականությունը ճիշտ չեն գնահատվել։

Միջազգային հաջողված փորձեր

• Slack. սկզբում այն վիդեոխաղ էր, սակայն վերափոխվեց հաղորդակցման հարթակի, որը կենտրոնացնում է հաղորդագրությունները, փաստաթղթերը, ինտեգրացիաները և համագործակցությունը մեկ տեղում։
• Stripe. ամերիկյան ֆինտեք ընկերություն է, որն ապահովում է օնլայն վճարումների լուծումներ բիզնեսի համար։

Ստարտափի հաջողությունը կախված է ոչ միայն գաղափարից, այլև՝ հստակ շուկայական կարիքից, ճկուն գործելակերպից, լավ թիմից և շարունակական ուսուցումից՝ ներառյալ ձախողումներից քաղված դասերը։