Ընտանեկան բիզնեսի կառավարումը և զարգացման փուլերը

Այն ունի դարերի պատմություն, և հենց այս բիզնես մոդելի վրա է զարգացել պաստայի արտադրությունը Իտալիայում, գինու արտադրությունը Ֆրանսիայում և այլն: Բազմաթիվ երկրներում ընտանեկան բիզնեսը կազմում է ընդհանուր բիզնեսների 70%-ից ավելին և կարևոր նշանակություն ունի երկրի տնտեսական աճի և աշխատաշուկայի զարգացման հարցում: Ընտանեկան բիզնեսները կարող են լինել փոքր, միջին և մեծ մասշտաբների, որոնք գործում են տարբեր ոլորտներում և երկրներում:

Ընտանեկան բիզնեսների մեծամասնության մոտ զարգացումը տեղի է ունենում 3 հիմնական փուլերով:

Առաջին փուլում բիզնեսը ամբողջությամբ կառավարվում է հիմնադիրների կողմից: Հիմնադիրների մեծամասնությունը փնտրում է արտաքին խորհրդատուներ, սակայն վերջնական որոշումներ կայացնում է ինքնուրույն: Այս փուլը հիմնականում բնութագրում է կազմակերպության հաջողությունը և համեմատաբար պարզ կառավարման կառուցվածքը պահպանելու հիմնադիրների ամուր նվիրվածությունը: Այս փուլը իր մեջ ներառում է սահմանափակ կորպորատիվ կառավարման խնդիրներ, քանի որ կազմակերպության վերահսկումը և կառավարումը դեռևս նույն անձի՝ հիմնադրի ձեռքերում է: Թերևս ամենակարևոր խնդիրը այս փուլում իրավահաջորդության պլանավորումն է: Ընտանեկան բիզնեսի հաջորդ փուլ անցում կատարելու համար հիմնադիրները պետք է ջանքեր գործադրեն իրավահաջորդության պլանավորման համար և սկսեն զարգացնել կամակերպության հաջորդ առաջնորդին:

Երկրորդ փուլում կազմակերպության կառավարումը և սեփականությունը փոխանցվում են հիմնադիրների երեխաներին: Բիզնեսի վարման գործընթացում որքան շատ են ներգրավվում ընտանիքի անդամները, այնքան ավելի է բարդանում կառավարման խնդիրները: Այս փուլի հիմնական նպատակը հիմնադիրների իրավահաջորդների միջև ներդաշնակության պահպանումն է, բիզնես գործընթացների և ընթացակարգերի ձևակերպումն է, ընտանիքի անդամների միջև արդյունավետ կոմունիկացիոն ուղիների ստեղծումն է և հիմնական կառավարչական պաշտոնների համար իրավահաջորդության պլանավորման ապահովումը:

Երրորդ փուլում բիզնեսի կառավարումը էլ ավելի է բարդանում, քանի որ ընտանիքի ավելի շատ անդամներ են ուղղակի կամ անուղղակի կերպով ներառված բիզնեսում (եղբայրներ և քույրեր, զարմիկների երեխաներ): Քանի որ նրանցից շատերը պատկանում են տարբեր սերունդների և ընտանիքի տարբեր ճյուղերի, նրանք կարող են ունենալ կազմակերպության կառավարումն իրականացնելու և ռազմավարական պլան մշակելու հակասական մտքեր: Ամենահիմնական խնդիրները, որոնց առնչվում են ընտանեկան բիզնեսները տվյալ փուլում, հետևյալն են՝ հարազատների աշխատանքի ընդունում, բաժնետոմսերի իրացվելիություն, ընտանիքի անդամների դերը բիզնեսում, ընտանիքի անդամների միջև ընդհարումների հարթում, տեսլական և առաքելություն:

Ընտանեկան բիզնեսների մեծամասնությունը երկարատև կյանք չի ունենում և նմանատիպ բիզնեսների 95%-ը չի հասնում երրորդ սերնդի կառավարմանը: Սա հիմնականում հետագա սերունդներին չկրթելու և չնախապատրաստելու հետևանք է: Աշխարհը փոխելու հարցում ամենակարևոր դերը խաղում են մարդիկ և նրանց զարգացումը, քանի որ արդեն չկա հին, արդյունաբերական պետությունը, փոխարենը ստեղծվել է նոր՝ ինտելեկտուալ, մտավոր պետություն, որտեղ մարդիկ ապագայի հիմնական կապիտալն են: Դա է պատճառը, որ հաջողակ գործարարները իրենց ներդրումները գերադասում են կատարել հենց այն մարդկանց մեջ, ովքեր պատրաստ են փոխել աշխարհը: Այսպիսով, ընտանեկան բիզնեսներն իրենց գոյատևման հավանականությունը մեծացնելու նպատակով կարող են ճիշտ կառավարման համակարգ մշակել՝ առաջին հերթին հետագա սերունդների կրթական գործընթացներ մշակելով:

Հաշվապահական հաշվեկշռի ձևանմուշ

Հոդված

0

Ամենակարևոր և տարածված հանգամանքները, որոնց բացակայությունը խոչընդոտում է ընտանեկան բիզնեսի զարգացմանը հետևյալն են՝

• Ընտանիքի անդամների միջև պարտականությունների բաշխումը
• Հաշվապահություն

Հաշվապահական, ֆինանսական և այլ ձևանմուշները կարող են օգնել այդպիսի խնդիրներին հեշտ լուծում տալու համար: