Նյարդաբանությունը մարքեթինգում․ ինչու ենք գնում այն, ինչ չենք պլանավորել

Մեր ուղեղը սիրում է հույզեր ու հաճելի անակնկալներ։ Երբ տեսնում ես վառ գույն, լսում ուրախ երաժշտություն կամ զգում թարմ հացի բույր, ակտիվանում է ուղեղի«պարգևատրության կենտրոնը» (nucleus accumbens)։ Այնպես որ, երբ մարքեթոլոգներն աշխատում են գեղեցիկ փաթեթավորման վրա կամ ստեղծում հաճելի մթնոլորտ, դա կարելի է ընդունել որպես փոքրիկ հրավեր՝ «արի, նայիր, միգուցե սա հենց քոնն է»։

Պատկերացրու՝ քաղցած ես և մուտքի մոտ թարմ պիցայի բույր ես զգում։ Չէիր պլանավորել գնել, բայց ուղեղդ ասում է՝ «Դե ինչ, կյանքը կարճ է»։ Սա սենսորային ազդակն է, երբ հոտերը, գույներն ու ձայները ուղիղ ներազդում են մեր որոշումների վրա։

Մյուս կողմում գործում է դոպամինային սպասման էֆեկտը։ Երբ տեսնում ես «50% զեղչ միայն այսօր» պիտակը, ուղեղդ հրճվում է ոչ միայն զեղչից, այլև այն զգացողությունից, որ «ես խելացի գնորդ եմ»։ Իսկ մարքեթոլոգները շատ լավ գիտեն՝ սա պարզապես խաղ է, որտեղ երկու կողմն էլ շահում է։

Երբեմն որոշումների վրա ազդում է նաև համայնքային էֆեկտը։ Եթե տեսնում ես, որ ուրիշները վերցնում են ինչ-որ ապրանք, ուղեղդ դա ընկալում է որպես վստահության նշան։ Գուցե հիշեք՝ երբ բոլոր դասարանցիներդ նոր խաղ էին խաղում, դու էլ էիր ցանկանում միանալ նրանց։ Այս ամենը մարքեթինգում օգտագործվում է ոչ թե քեզ մոլորեցնելու, այլ ճիշտ պահին ճիշտ առաջարկ ցույց տալու համար․երբեմն մենք իսկապես չենք գիտակցում, թե ինչը կարող է մեզ ուրախացնել, մինչև այն չտեսնենք։

Միջազգային բրենդների ամենահաջողված օրինակները

• Apple

  Ապրանքների դիզայնի, փաթեթավորման, օգտագործողի փորձի (UX) վրա մեծ ուշադրություն, ինչը ստեղծում է հզոր հուզական կապ։

• Coca-Cola

  Հոտի, ձայնի և գույնի սենսորային ազդակների համադրություն՝ բրենդի ուժեղացման համար։

• Starbucks

  Շրջապատի մթնոլորտի ստեղծում՝ հոտերով, երաժշտությամբ և լույսերով, որը բարձրացնում է հաճախորդի հարմարավետությունը և վերադառնալու ցանկությունը։

• Amazon

  Ներդաշնակություն AI-ի, անձնական առաջարկների և նեյրոմարքեթինգի տվյալների միջոցով՝ հարմարեցված հաճախորդի փորձառությանը։

• Nike

  Հույզերի վրա խաղալով՝ ուժեղ բրենդային հաղորդագրություններ և տեսանյութեր՝ հաճախորդների ներգրավվածության բարձրացման համար։

Իհարկե, ավելի գիտակցված գնումների համար ցուցակ գրելը, կուշտ գնալը և ինքն իրեն հարց տալը՝ «Իսկապես պետք է թե՞ ուղղակի ուզում եմ հաճույք ստանալ», շատ են օգնում։ Բայց, եկեք անկեղծ լինենք՝ երբեմն հաճույք ստանալն էլ է լիովին արժանի պատճառ։

brandon.am

Էլ. հասցե՝ info@brandon.am 

Հեռ.՝ +374 (77) 87-00-90