Հաճախորդների գոհունակության հարցման ձևանմուշ

Հաճախորդների գոհունակությունը մարքեթինգային հասկացողություն է, որի միջոցով հնարավոր է գնահատել կազմակերպության ապրանքների կամ մատուցվող ծառայությունների համապատասխանության աստիճանը հաճախորդների սպասելիքներին:

Հաճախորդների գոհունակության ուսումնասիրումը կարևոր է, քանի որ այն շուկայագետներին և բիզնեսի սեփականատերերին օգնում է առավել լավ կառավարել և զարգացնել բիզնես-գործունեությունը: Հաճախորդների գոհունակությունը կարևոր է գնահատել հետևյալ պատճառներով՝

• հաճախորդների հավատարմության և կրկին գնելու մտադրութան բացահայտում
• շուկայում մրցակից ընկերություններից տարբերվելու հնարավորություն
• հաճախորդների արտահոսքի նվազեցում
• առկա և հավատարիմ հաճախորդների հետ կապերի ամրապնդում
• դժգոհությունների բացահայտում և դրանց նվազեցում
• հաճախորդների նվիրվածության աստիճանի բարձրացում

Կից ներկայացված ներբեռնելի ձևանմուշն իրենից ներկայացնում է գործնական պարզ օրինակ, որը կարող է կիրառվել տարբեր ոլորտներում գործունեություն իրականացնող փոքր և միջին ձեռնարկատիրությունների ղեկավարների կողմից: Հարցաթերթիկն իր մեջ ներառում է ստանդարտ հարցեր, որոնք հնարավորություն են տալիս բացահայտել և գնահատել հաճախորդների գոհունակության հիմնական անհրաժեշտ ձևաչափերը: Դուք կարող եք այն հարմարեցնել Ձեր բիզնեսի կարիքներին, հաճախորդների տեսակներին և Ձեր կողմից առաջարկվող ապրանքների ու ծառայությունների տեսակներին: