Դարման թեյեր

Շնորհիվ «Դարման» ապրանքանիշի, մենք հնարավորություն ունենք ըմպել Տավուշի բարձրադիր գոտիներից հավաքված և մշակված խոտաբույսերից պատրաստված թեյերը, որոնք առանձնանում են իրենց բուժիչ և օգտակար հատկանիշներով։

Կազմակերպության հիմնադիր Գնել Նազանյանը նշում է, որ նախ ինքն է իր ձեռքով հավաքել խոտաբույսերի մի քանի տեսակներ, ինչպիսիք են ուրցը, անանուխը և օրեգանոն, ինչն իր համար դարձել է նախասիրություն։ 2014 թվականին արդեն գրանցել է «Դարման» ապրանքանիշը՝ սիրած նախասիրությունը բիզնեսի վերածելով։

2016 թվականին Գնել Նազարյանն առաջարկ է ստանում Ակբա Բանկի կողմից՝ մասնակցելու բիզնես դասընթացների, որոնց շնորհիվ նա ուսումնասիրում է, թե ինչպես կառավարել դրամական հոսքերը, ավելացնել շրջանառու կապիտալը, կառավարել ծախսերը և ինչպես ներկայացնել և վաճառել իր արտադրանքը սպառողներին, որը նույնքան կարևոր է, որքան արտադրական բուն գործընթացը:

Դասընթացները վճռական դեր են ունեցել կազմակերպության զարգացման գործում, ինչի մասին վկայում է սպառողների բարձր գնահատականը և վաճառքի բարձր ցուցանիշները։

«Դարման» ապրանքանիշի թեյերն այժմ վաճառվում են մասնագիտացված խանութ-սրահներում, իսկ ապագայի ձգտումն է ներգրավել նաև սպառողների առավել լայն շրջանակ։