3 գովազդային արշավ, որոնք մեծ հաջողություն են ունեցել

Ճիշտ մշակված և թիրախավորված արշավները կարող են ապահովել մեծ հաջողություն: Գովազդային արշավների հիմքում տարբեր բիզնես նպատակներ են դրված՝ բարձրացնել բրենդի ճանաչելիությունը, ավելացնել վաճառքները և այլն:

Եկեք դիտարկենք 3 գովազդային արշավներ, որոնք մեծ աղմուկ են բարձրացրել ամբողջ աշխարհում և ապահովել են ահռելի վաճառքներ՝ իրականում ունենալով այլ նպատակ։

1. Dove: #TurnYourBack արշավ

Արշավ, որը դեմ գնաց TikTok-ի ֆիլտրերի օգտագործմանը։

Dove-ի #TurnYourBack արշավը ուղղված էր կարևորելու բնական գեղեցկությունը և հակակշիռի մեջ դնելու TikTok-ի ֆիլտրերի կիրառումը։ Այս արշավը մեծ արձագանք ստացավ, իսկ #TurnYourBack հեշթեգով հրապարակումներն ունեցան 110 միլիոն դիտում միայն TikTok-ում։

Արշավում ասվում էր՝ «Ոչ մի ֆիլտր չպետք է քեզ ասի՝ դու ինչպիսի տեսք ունենաս»։ Աղջիկների 80%-ը արդեն 13 տարեկանում օգտագործում է ֆիլտրեր։ Եվ զարմանալի չէ, որ գեղեցկության և ինքնագնահատականի ընկալումները նրանց մոտ աղավաղված են։ Ժամանակն է գործելու»։

Dove-ի այս արշավի նպատակը ոչ միայն ապրանքի գովազդն էր, այլ նաև սոցիալական փոփոխությունների խթանումը։ Արշավը տարածվեց բազմաթիվ օգտատերերի կողմից, ովքեր իրենց տեսանյութերով ցույց տվեցին, թե ինչպես կարելի է հակազդել և չընդունել ֆիլտրերի կեղծ գեղեցկությունը։ Այն միտված էր խրախուսել բնական գեղեցկությունը և բարձրացնել կանանց ու երեխաների ինքնավստահությունն ու ինքնագնահատականը։

2. Barbie ֆիլմի արշավ

Barbie ֆիլմը 2023 թվականի մեծ աղմուկ բարձրացրած և հաջողության հասած արշավներից մեկն է, որը գրավեց աշխարհը։

Արշավի հաջողությունը պայմանավորված էր մի շարք գործոններով:

Նախ, ուշագրավ էր բյուջետային ռազմավարությունը. ֆիլմի մարքեթինգի համար նախատեսված բյուջեն գրեթե հավասարվեց արտադրության բյուջեին՝ ընդգծելով մարքեթինգի կարևորությունը ժամանակակից կինոարդյունաբերությունում: Արշավն իրականացվեց բազմապլատֆորմ մոտեցմամբ՝ օգտագործելով սոցիալական մեդիա, արտաքին գովազդ և PR միջոցառումներ՝ առավելագույնի հասցնելով դիտելիությունը: Ինֆլուենսերների և բլոգերների հետ համագործակցությունը նպաստեց օրգանական տարածմանը և ավելացրեց հանրության հետաքրքրությունը:

Արշավը կարողացավ գրավել ոչ միայն Barbie-ի երկրպագուներին, այլ նաև ավելի լայն լսարան՝ շնորհիվ ֆիլմի խորը ուղերձի և հասարակական թեմաների քննարկման: Արշավը բարձրացրեց կարևոր սոցիալական հարցեր՝ կապված գենդերային դերերի և կարծրատիպերի հետ՝ ստեղծելով լրացուցիչ քննարկումներ և մեդիա ուշադրություն: Ուշագրավ է նաև ֆիլմի ազդեցությունը խաղալիքների շուկայի վրա, ինչը ցույց տվեց կինոարդյունաբերության և խաղալիքների արտադրության միջև կապը:

3. Pepsi Halloween արշավ

Pepsi vs Coca Cola հակամարտությունը արդեն տասնամյակներ է, ինչ գոյություն ունի։ Ու հենց այս մրցակցությունը դարձավ Pepsi-ի Halloween գովազդային արշավի հիմնական գաղափարը։ Այն միանգամից ընկալվեց հակասական և մեծ տարածում գտավ տարբեր հարթակներում։ Արշավն ուղղված էր երկու բրենդների մրցակցության զվարճալի և հետաքրքիր շեշտադրմանը՝ օգտագործելով Halloween-ի թեման։

Pepsi-ի այս արշավի նպատակը ոչ թե վաճառքների ավելացումն էր, այլ բրենդի մասին խոսակցությունների և հետաքրքրության ավելացումը։ Արշավի մեջ օգտագործվեց հումոր և ստեղծագործական մոտեցում, ինչը մեծ արձագանք առաջացրեց սոց. ցանցերում։

Այս երեք գովազդային արշավներն ապացուցում են, որ հաջողության հասնելու համար կարևոր են ինչպես ստեղծագործական մոտեցումները, այնպես էլ հիմնական գաղափարները։ Պետք է չմոռանալ նաև սոցիալական մեդիայի և ինֆլուենսերների հետ համագործակցության մասին։

Հաջողված գովազդային արշավներն ունեն մի քանի ոսկե կանոն՝ պետք է ունենալ հստակ նպատակ, ճիշտ ընտրված լսարան, ստեղծագործական մոտեցում և ազդեցիկ մեդիա։ Կարևոր է, որ այս կանոնները համակցվեն և ներդաշնակ աշխատեն միասին՝ ստեղծելով մեկ ամբողջական ռազմավարություն՝ ունենալով հստակ ասելիք, բարձրացնելով բրենդի ճանաչելիությունը և ազդեցությունը լսարանի վրա։

Կայք՝ BDG

Էլ. հասցե՝ info@bdg.am

Հեռ.՝+374 55201209