Մարքեթինգի արդի թրենդներ, որոնք պետք չէ անտեսել

1. «Խելացի» տեխնոլոգիաների օգտագործում

Խելացի տեխնոլոգիաները, ինչպիսիք են արհեստական բանականությունը (AI) և մեքենայական ուսուցումը (machine learning), շատ մեծ դեր են խաղում մարքեթինգում: Բիզնեսները կարող են օգտագործել AI-ի ողջ գործիքակազմը՝ հաճախորդների վարքը վերլուծելու և անհատականացված առաջարկներ կազմելու համար: Օրինակ՝

• Ստեղծել չատբոտեր և աջակցության համակարգեր: Չատբոտերը կարող են բարելավել հաճախորդների սպասարկումը՝ ապահովելով 24/7 աջակցության հնարավորություն: Ավելին, չատբոտերի միջոցով հաճախորդների սպասարկման գործընթացների ավտոմատացումը թույլ է տալիս զգալիորեն կրճատել օպերացիոն ծախսերը:
• Առաջարկել անհատականացված մարքեթինգ: AI-ը կարող է հավաքել և վերլուծել տվյալները՝ ստեղծելով նպատակային մարքեթինգային արշավներ, որոնք ավելի արդյունավետ են և համապատասխանեցված տվյալ բիզնեսի ռազմավարությանը։

2. Վիդեո բովանդակություն

Վիդեո բովանդակությունը շարունակում է մնալ մարքեթինգի ամենահզոր գործիքներից մեկը՝ մասնավորապես սոցիալական մեդիայում։ Ընկերությունները, որոնք արդյունավետ կերպով հետևում են այս թրենդին, ունեն մրցակցային առավելություն և կարողանում են իրենց բրենդի հաղորդագրությունները հաղորդել ներգրավող և դինամիկ ձևով։ Այս բովանդակությունը կարող է ներառել՝

• Կարճ հոլովակներ։ Կարող եք ստեղծել հետաքրքիր կարճ հոլովակներ, որոնք արագ կփոխանցեն Ձեր մեսիջի հիմնական միտքը։ Կարճ տեսանյութերն ավելի հեշտ ու արագ են տարածվում համացանցում, ինչի վառ օրինակն են TikTok-ի, Instagram Reels-ի և YouTube Shorts-ի տեսանյութերը։ Կարևոր է հիշել, որ օգտատերերի ուշադրության պահպանման միջին ժամանակը բավականին կարճ է: Հետազոտությունները ցույց են տալիս, որ այդ ժամանակը սովորաբար տատանվում է 8-12 վայրկյանի սահմաններում:
• User-Generated Content։ Օգտատերերի կողմից ստեղծված բովանդակություն։ Խրախուսեք օգտատերերին ստեղծել և կիսվել իրենց սեփական կարճ տեսանյութերով՝ կապված Ձեր բրենդի, ապրանքների կամ ծառայությունների հետ: Այսպիսի բովանդակությունը բարձրացնում է բրենդի հանդեպ վստահությունը և ստեղծում համայնքի զգացողություն հաճախորդների շրջանում:

3. Միկրոինֆլուենսերների ներգրավվածություն

Միկրոինֆլուենսերները (ինֆլուենսերներ, ովքեր ունեն 10,000-100,000 հետևորդներ) շարունակում են լինել արդյունավետ մարքեթինգային գործընկերներ: Նրանց հետևորդները հաճախ ավելի ներգրավված են իրենց քոնթենթում, ինչը ենթադրում է ավելի մեծ ազդեցություն լսարանի վրա: Միկրոինֆլուենսերները տալիս են այս առավելությունները.

• Հավաստիություն և հավատարմություն։ Միկրոինֆլուենսերների հետևորդներն առավել հավատարիմ են ու նվիրված, քանի որ նրանք այսպես ասած «իրական» մարդիկ են, ովքեր կիսվում են իրենց իրական փորձով և կարծիքներով:
• Հասանելիություն։ Միկրո-ինֆլուենսերների հետ համագործակցությունը հաճախ ավելի ռեալ և մատչելի է, քանի որ նրանք ունեն փոքր, բայց ներգրավված լսարան, և քիչ բյուջեով հնարավոր է իրականացնել արդյունավետ արշավներ:

4. Կանաչ մարքեթինգ

Կայունության և էկոլոգիական պատասխանատվության կարևորությունը վերջին տարիներին թրենդային է, և այս տենդենցը ևս շարունակում է աճել: Բիզնեսներն իրենց մարքեթինգային գործողություններում պետք է ընդգծեն շրջակա միջավայրի պաշտպանությունը՝ ներառելով կոնկրետ քայլեր և նախաձեռնություններ, որոնք իրականացնում են կայունության և էկոլոգիական պատասխանատվության ուղղությամբ։

• Ներկայացրեք և բաց պահեք ցանկացած արտադրական գործընթաց և լսարանին ներկայացրեք էկոլոգիապես մաքուր ապրանքներ։ Սպառողներն ավելի հաճախ են նախընտրում այն բրենդները, որոնք ցուցաբերում են էկոլոգիական պատասխանատվություն: Հետազոտությունները ցույց են տալիս, որ սպառողների մեծամասնությունը պատրաստ է վճարել ավելի շատ, եթե կազմակերպությունը մեծ պատասխանատվությամբ է վերաբերվում շրջակա միջավայրի պաշտպանությունը։
• Հանրային տեղեկատվություն: Հրապարակեք Ձեր էկոլոգիական նախաձեռնությունները և փորձեք ներգրավել հաճախորդներին այդ գործընթացում: Թվային մարքեթինգի գործիքները թույլ են տալիս ավելի արդյունավետ կերպով փոխանցել բրենդի էկոլոգիական պատասխանատվության մասին ուղերձները՝ նպաստելով ավելի լայն լսարանի հասանելիությանը:

Մարքեթինգային թրենդներն առհասարակ հնարավորություն են տալիս բիզնեսներին առավել արդյունավետ կերպով օգտագործել նոր տեխնոլոգիաները և սոցիալական մեդիան՝ հասնելու իրենց նպատակներին։ Հետևելով այս թրենդներին՝ Դուք կարող եք բարելավել Ձեր մարքեթինգային ռազմավարությունը, բարձրացնել բրենդի տեսանելիությունը և ներգրավել նոր հաճախորդներ։

Հիշեք, որ մարքեթինգը շարունակական գործընթաց է, և կարևոր է մշտապես հետևել թրենդներին և լինել ճկուն՝ ադապտացվելով նոր փոփոխություններին։

Կայք՝ BDG

Էլ. հասցե՝ info@bdg.am

Հեռ.՝+374 55201209