6 հասանելի մարքեթինգային ռազմավարություն՝ փոքր և միջին բիզնեսի համար

ՓՄՁ-ները ստիպված են ավելի կրեատիվ և արդյունավետ լինել իրենց մարքեթինգային ռազմավարության ընտրության մեջ և փորձել սահմանափակ միջոցներով ստեղծել էական ներկայություն շուկայում։ Եթե Դուք փոքր կամ միջին բիզնեսի սեփականատեր եք, ապա կարևոր է իմանալ այս 6 մարքեթինգային ռազմավարությունների մասին.

1. Content marketing. հեղինակության (thought leadership) ձևավորման նպատակով

Քոնթենթ մարքեթինգը թույլ է տալիս ՓՄՁ-ներին նեղ նիշայում հաստատվել որպես ոլորտի հեղինակավոր ինֆորմացիայի աղբյուր և փորձագետ։ Հետևողականորեն ստեղծելով և կիսելով արժեքավոր բովանդակություն, ինչպիսիք են՝ բլոգային գրառումները, էլեկտրոնային գրքերը և տեսանյութերը, Դուք կարող եք Ձեր լսարանի մոտ վստահություն ստեղծել դեպի Ձեր ընկերությունն ու պրոդուկտը։ Դա թույլ է տալիս երկարաժամկետ կտրվածքով ստեղծել լոյալ լսարան և նրա հետ զարգացնել վստահելի հարաբերություններ։ Այս մոտեցումն արդարացված է և՛ ֆինանսական, և՛ մարքեթինգային տեսանկյունից։ Քոնթենթ մարքեթինգի թերությունը ՓՄՁ-ների համար այն է, որ արագ տեսանելի արդյունքներ գրանցել հնարավոր չէ․ սովորաբար չափելի արդյունքները գրանցվում են 3-6 ամսվա ընթացքում։

2. SMM (Social Media Marketing). լսարանին առավել հասանելի լինելու համար

Սոցիալական մեդիա հարթակները ՓՄՁ-ներին տալիս են իրենց թիրախային լսարանի հետ կապ հաստատելու հզոր միջոցներ: Արդյունավետ սոցիալական մեդիա մարքեթինգի միջոցով Դուք կարող եք մեծացնել ապրանքանիշի տեսանելիությունը, ներգրավել նոր հաճախորդներ, հետևորդներին ուղղորդել դեպի Ձեր կայք և այլն: Սոցիալական մեդիա հարթակները հաճախ առաջարկում են մատչելի գովազդային տարբերակներ, որը հնարավորություն է տալիս ընդլայնել լսարանը՝ առանց մեծ ներդրումների:

3. SEO (Search Engine Optimization). օրգանիկ հոսք ապահովելու համար

SEO-ն առցանց տեսանելիության հիմնաքարն է: Օպտիմիզացնելով Ձեր կայքը որոնման համակարգերի համար՝ Դուք կարող եք ապահովել, որ Ձեր պոտենցիալ հաճախորդները կարողանան հեշտությամբ գտնել այն։ Արդյունավետ SEO-ն ուժեղացնում է օրգանական հոսքը (traffic-ը), նվազեցնում հաճախորդների ներգրավման ծախսերը և հավասարեցնում է մրցակցային դաշտը՝ թվային ոլորտում ավելի մեծ ընկերությունների դեմ մրցող փոքր և միջին բիզնեսի համար: SEO-ի բացասական կողմը ևս հանդիսանում է հետաձգված արդյունքը։ Որոշ SEO գործիքներ կարող են արագ արդյունք ցույց տալ, բայց SEO-ի հիմնական արդյունքը երևում է մի քանի ամիս գործիքը կիրառելու արդյունքում։

4. Email մարքեթինգ՝ հաճախորդների հետ հարաբերությունների զարգացման նպատակով

Վերջերս շատ է շրջանառվում այն միտքը, որ Email մարքեթինգն իր դիրքերը զիջում է այլ մարքեթինգային գործիքներին։ Իրականում ուսումնասիրությունները խոսում են նրա մասին, որ այն մնում է հաճախորդներին ներգրավելու ամենաարդյունավետ ուղիներից մեկը։

Դուք կարող եք օգտագործել Email marketing-ը՝ ուղղակիորեն Ձեր թիրախային լսարանին անհատականացված բովանդակություն, թարմացումներ տրամադրելու կամ գովազդային արշավների համար: Այս ռազմավարությունը խթանում է հաճախորդների հավատարմությունը, խրախուսում է կրկնակի վաճառքները և օգնում է ՓՄՁ-ներին կապ պահել իրենց լսարանի հետ։ Ավելին՝ Email մարքեթինգը կարելի է գործարկել սահմանափակ բյուջեով և զուգակցել այլ մարքեթինգային ռազմավարությունների հետ:

Acba SME

Email մարքեթինգ. ինչու՞ և ինչի՞ց սկսել

Հոդված

5

5. Ռազմավարական գործընկերություններ՝ այլ ընկերությունների հետ ռեսուրսների փոխանակման և սիներգիայի էֆեկտի համար

ՓՄՁ-ները կարող են ընդլայնել իրենց մարքեթինգային գործողությունները՝ այլ ձեռնարկությունների հետ ռազմավարական գործընկերություն ձևավորելով: Համագործակցելով այլ ձեռնարկությունների հետ՝ Դուք կարող եք օգտվել նոր հաճախորդների բազայից, կիսել ռեսուրսները և նվազեցնել մարքեթինգային ծախսերը: Այս գործընկերությունները կարող են ունենալ համատեղ մարքեթինգային արշավների, համատեղ ձեռնարկությունների կամ հովանավորությունների ձև, ինչը հնարավորություն կտա Ձեզ ընդլայնել ընկերության հասանելիությունն ու ազդեցությունը:

6. Տվյալների վրա հիմնված որոշումների կայացում՝ առավելագույն ROI-ի հասնելու համար

Ռազմավարության այս ուղղությունը մի փոքր տարբերվում է մյուսներից։ Այստեղ խոսվում է մի մոտեցման մասին, որը կարելի է կիրառել մնացած 5 ռազմավարություններից ցանկացածի համար։

Թվային դարաշրջանում տվյալները արժեքավոր ակտիվ են: ՓՄՁ-ները պետք է ներդրումներ կատարեն վերլուծական գործիքներում՝ հետևելու իրենց մարքեթինգային գործողությունների կատարմանը: Տվյալների պահպանումն ու վերլուծությունը թույլ են տալիս նվազեցնել սխալների քանակը, օպտիմալացնել մարքեթինգային բյուջեն և արդյունավետ որոշումներ կայացնել։ Սա ապահովում է, որ Ձեր կողմից ծախսված յուրաքանչյուր դրամ առավելագույն արդյունք ապահովի։

Ամփոփելով, կարող ենք ասել, որ փոքր և միջին ձեռնարկություններն իրենց մարքեթինգային գործունեությունը կարող են իրականացնել առանց մեծ բյուջեի։ Կենտրոնանալով այս կարևոր ռազմավարությունների վրա՝ Content marketing, SMM, SEO, Email մարքեթինգ, ռազմավարական գործընկերություններ և տվյալների վրա հիմնված որոշումների կայացում, Դուք կարող եք հաջողությամբ մրցակցել ավելի մեծ բյուջեով ընկերությունների հետ և գտնել Ձեր հաստատուն տեղը շուկայում։

Կայք՝ BDG

Էլ. հասցե՝ info@bdg.am

Հեռ.՝+374 55201209