Արդյունավետ մարքեթինգ՝ AI գործիքների օգնությամբ

Հարյուրավոր գործիքներ են ի հայտ եկել վերջին տարիներին, և իսկապես դժվար է որոշել, թե դրանցից որն է ավելի արդյունավետ։ Այնուամենայնիվ, արդեն փաստ է, որ AI գործիքներն իրենց դրական ազդեցությունն ունեն մարքեթինգային ռազմավարությունների և արշավների մշակման հարցում, որն էլ իր հերթին ապահովում է բիզնեսների արագ աճը։

AI գործիքների ճիշտ ընտրության համար հարկավոր է հստակ որոշել, թե Ձեր բիզնեսի զարգացման ու արդյունավետության ո՞ր ուղղություններով եք ակնկալում AI-ի օգնությունը և հստակ առաջադրանքներ ու մարքեթինգային նպատակներ սահմանել՝ հասկանալով, թե որ գործոնները կնպաստեն Ձեր բիզնեսի հաջողությանն և առաջընթացին։

Ինչո՞ւ օգտագործել AI-ը մարքեթինգում

Մարքեթինգը հիմնված է մրցակիցների, մարքեթինգային թրենդների, լսարանի կարիքների մասին տեղեկատվության վրա։ Երբեմն այս տեղեկատվության ծավալն այնքան մեծ է լինում, որ դրա վերլուծությունն ու տեսակավորումը դառնում է բարդ։ Ի՞նչ անել այս պարագայում. դիմել արհեստական բանակության օգնությանը, որը շատ արագ կարող է ավտոմատացնել մի շարք պրոցեսներ և տրամադրել բազմաթիվ առավելություններ։

Բացի ավտոմատացումից, կան նաև մրցակիցների վերլուծության գործիքներ, որոնք մշտապես Ձեզ թարմ տվյալներ կարող են տրամադրել մրցակիցների գործողությունների վերաբերյալ։ Կան նաև թիրախավորման գործիքներ, որոնք կբարձրացնեն ROI-ն՝ ճիշտ թիրախավորման շնորհիվ։

Այս 6 AI գործիքները կօգնեն Ձեր բիզնեսի մարքեթինգային գործունեությունն արդյունավետ դարձնելու հարցում.

1. Sprout Social - սոցիալական մեդիայի կառավարման հարթակ է, որը հնարավորություն է տալիս պլանավորել ու ավտոմատացնել գրառումները տարբեր սոց. մեդիա հարթակներում։ Այն տրամադրում է մարքեթինգային արշավների, լսարանի ներգրավվածության վերաբերյալ մանրամասն վերլուծություններ, ինչպես նաև թույլ է տալիս հետևել և վերլուծել տարբեր սոցիալական ցանցերում ունեցած արդյունքները:
2. Jasper - բովանդակություն ստեղծող գործիք է, որն օգնում է գրել բարձրորակ բովանդակություն տարբեր հարթակների համար: Գործիքն օգտագործվում է բլոգներ, վաճառող տեքստեր, հոդվածներ գրելու համար:
3. Rival IQ - օգնում է իրականացնել մրցակիցների վերլուծություն, հասկանալ նրանց մարքեթինգային գործողությունները, տրամադրել տվյալներսոց. ցանցերում մրցակիցների ակտիվության վերաբերյալ:
4. Chatfuel - բոտերի ստեղծման հարթակ է, որը թույլ է տալիս ավտոմատացնել հաճախորդների հետ շփումը։ Գործիքը հնարավորություն է տալիս կրճատել հաճախորդների սպասարկման վրա ծախսվող ժամանակը, ապահովել 24/7 հասանելիություն՝ բարձրացնելով հաճախորդների սպասարկման որակը:
5. SeventhSense - օպտիմալացնում է էլեկտրոնային նամակների ուղարկման ժամանակը՝ հաշվի առնելով հաճախորդների վարքագիծը։
6. Optimove - գործիքը տրամադրում է հաճախորդների վարքագծի մասին տվյալներ, արշավների արդյունավետության վերլուծություններ։ Գործիքը թույլ է տալիս փորձարկել տարբեր մարքեթինգային արշավներ և ռազմավարություններ՝ իմանալու համար, թե որ տարբերակն է ավելի արդյունավետ:

Խորհուրդներ, թե ինչպես ընտրել և օգտագործել AI գործիքները.

• Ընտրեք այնպիսի գործիքներ, որոնք համապատասխանում են Ձեր բիզնեսի կարիքներին։
• Սկսեք քչից և աստիճանաբար ընդլայնեք օգտագործվող գործիքների քանակը, եթե դրա անհրաժեշտությունը կա։ Ավելի լավ է մեկ կամ երկու արդյունավետ AI գործիք օգտագործել, քան ունենալ տասը գործիքի մակերեսային գիտելիք:
• Փորձարկեք և թեստավորեք AI գործիքները։ Համոզվեք, որ գործիքը համապատասխանում է Ձեր բյուջեին և տրամադրում է ակնկալվող ֆունկցիաները: Բազմաթիվ գործիքներ առաջարկում են անվճար փորձարկումներ, որոնք կօգնեն նախապես հասկանալ՝ գործիքը անհրաժեշտ կլինի, թե ոչ։
• Ընտրեք այնպիսի AI գործիքներ, որոնք հեշտությամբ ինտեգրվում են Ձեր կողմից արդեն կիրառվող պլատֆորմների կամ ծրագրերի հետ։ Օրինակ, Sprout Social-ը ինտեգրվում է մի քանի սոց. մեդիա հարթակների հետ, ինչը հեշտացնում է տվյալների հավաքագրումը մեկ տեղից։
• AI գործիքներին ավելացրեք Ձեր ստեղծագործականությունն ու էմոցիաները։

Խորհուրդներ, թե ինչից խուսափել AI գործիքներ օգտագործելիս.

• Զուգահեռ մի օգտագործեք նույն ֆունկցիան կատարող մի քանի գործիքներ, քանի որ դա կստեղծի խառնաշփոթ և կհանգեցնի քաոսի։
• Մի անտեսեք որևէ կանոնակարգ։ Համոզվեք, որ հավատարիմ եք տվյալների գաղտնիության բոլոր կանոններին։
• Հույս մի դրեք միայն AI գործիքների վրա։ Այս գործիքներն առավել արդյունավետ են, երբ համակցված են մարդկային գործոնի հետ։

Կարևոր է հիշել, որ AI-ը միայն գործիք է, և մարդկային ստեղծարարությունն ու զգացմունքներն անփոխարինելի են։ Բրենդի հաջողությունը կախված է այն մարդկանցից, ովքեր այն ստեղծում են և զարգացնում։ AI գործիքները կարող են բարձրացնել Ձեր թիմի արդյունավետությունը, բայց դրանք չեն կարող փոխարինել մարդկային մտքի աշխատանքին։

Կայք՝ BDG

Էլ. հասցե՝ info@bdg.am

Հեռ.՝+374 55201209