Գույների հոգեբանությունը մարքեթինգում

Շուն Յին Լամի կողմից «Շրջակա միջավայրի ազդեցությունը գնման վարքագծի վրա. քննադատական ակնարկ»-ում, Քեմփբելի կողմից «Գույնի առավելությունները․ գույնի հոգեբանությունը մարքեթինգում» հոդվածում նշվում է, որ գույնի հոգեբանությունը կարող է ազդել հաճախորդների որոշումների 85%-ի վրա:

Նախ հասկանանք, թե ինչ է գույների հոգեբանությունը։ Այն ուսումնասիրում է, թե ինչպես են գույներն ազդում մարդկանց ընկալումների և վարքագծի վրա: Մարքեթինգի և բրենդինգի մեջ գույների հոգեբանությունը կենտրոնացած է, թե ինչպես են գույներն ազդում բրենդի մասին սպառողների տպավորությունների վրա, և արդյոք դրանք համոզում են սպառողներին դիտարկել կոնկրետ բրենդներ կամ առհասարակ գնումներ կատարել:

Ինչպե՞ս են մարքեթինգում օգտագործում գույների հոգեբանությունը

Գույնը հաճախ որոշում է բրենդի կամ ապրանքի մասին սպառողի առաջին տպավորությունը: Սպառողները գույների շնորհիվ բրենդն ասոցացնում են որոշակի զգացողությունների հետ (օրինակ, ոսկեգույնը՝ շքեղության): Իրենց հերթին՝ այդ գունային ասոցիացիաներն ազդում են բրենդի ընկալման վրա:

• Առաջին տպավորության մինչև 90%-ը կախված է գույնից։
  
• Գույնը կարող է 80%-ով բարձրացնել ապրանքանիշի ճանաչելիությունը։
• Սպառողների 93%-ը գնումների վերաբերյալ որոշումներ է կայացնում՝ հիմնվելով միայն վիզուալների վրա։

Այժմ դիտարկենք մի քանի գույների առանձնահատկությունները, որոնք որոշիչ դեր ունեն բրենդի տարրերի մեջ։

Մանուշակագույն

Մանուշակագույնը խորհրդանշում է արքայություն և գերազանցություն: Հռոմեական կայսրությունում բարձրաստիճան պաշտոնյաները կրում էին մանուշակագույն, որն այն ժամանակ արժեր ավելին, քան ոսկին: Եղիսաբեթ I թագուհին նույնիսկ արգելել է թագավորական ընտանիքից դուրս որևէ մեկին մանուշակագույն կրել:

Այս հնուց եկած ասոցիացիաների շնորհիվ մանուշակագույնը ստեղծում է իմաստուն, հարուստ և առեղծվածային աուրա: Բրենդները կարող են օգտագործել գույնը՝ հայտարարելու բարձրակարգ ծառայության, ապրանքի կամ փորձառության մասին:

Մանուշակագույնը ընտրվում է մանկական բրենդների, անկողնային պարագաների, նորաձևության և գեղեցկության ոլորտի բրենդների կողմից։ Այս գույնն ասոցացվում է նաև վստահության և կայունության հետ, այդ իսկ պատճառով կիրառվում է նաև բանկային ոլորտում։

Կարմիր

Կարմիրն ամենաէմոցիոնալ գույներից մեկն է, և դրա ազդեցությունն այնքան էլ նուրբ չէ: Այդ իսկ պատճառով շատ կարևոր է զգույշ լինել բրենդավորման նպատակով կարմիր օգտագործելիս:

Այն նվազեցնում է վերլուծական մտածողությունը, արագացնում և ուժեղացնում է մեր ռեակցիաները: Հենց այս պատճառով էլ կարմիրը դառնում է գովազդի լավագույն գույներից մեկը:

Կարմիրը քաղցի զգացում է առաջացնում և օգտագործվում է արագ սննդի կետերում։ Այն կիրառվում է նաև սպորտային մեքենաների, լրատվամիջոցների և հոսքային հեռարձակման ծառայությունների համար:

Կանաչ

Երբևէ մտածե՞լ եք, թե ինչու են աստղերը բեմ բարձրանալիս սպասում «կանաչ սենյակներում»։ Պատճառը մեկն է՝ հանգստացնեն իրենց նյարդերը: Կանաչը կյանքի գույնն է։ Այն հիշեցնում է խոտը, ծառերը և թփերը, բերում է հանգստության, առողջության, բարգավաճման, հույսի և թարմության զգացում: Կանաչ աշխարհը ապահով աշխարհ է՝ փարթամ, ջրով լի և կյանք տվող:

Այս գույնը կիրառվում է էկոլոգիայի, դեղագործության կամ առողջ ապրելակերպի խթանման հետ կապված բրենդներում: Կանաչն ասոցացվում է աճի հետ, այդ իսկ պատճառով այն օգտագործում են նաև ֆինանսական ընկերությունները և տեխնոլոգիական բրենդները։

Սև

Սևը որպես հիմնական գույն բրենդին հաղորդում է բարդ, հզոր և էլեգանտ տեսք: Շատ հայտնի բրենդներ (օրինակ, Chanel-ը) օգտագործում են սև, որպեսզի իրենց լոգոները շքեղ և նուրբ տեսք ունենան: Այն նաև խելացիության հետ է ասոցացվում, այդ պատճառով էլ բարձր տեխնոլոգիաների ոլորտում 10 ընկերություններից 3-ն իրենց լոգոներում օգտագործում են սևը:

Սևը սովորաբար կիրառվում է մեքենաների, սարքավորումների, հագուստի և սպորտային իրերի պրեմիում բրենդների կողմից:

Ամփոփելով վերոնշյալը՝ պետք է ընդգծենք, որ գույների հոգեբանությունը բազմաթիվ գործիքներից միայն մեկն է, որը մարքեթոլոգները կարող են օգտագործել հաջողված բրենդներ ստեղծելու համար:

Կայք՝ brandon.am

Էլ. հասցե՝ info@brandon.am 

Հեռ.՝ +374 77 870 090