Ինչո՞ւ թարմացնել բիզնեսը

Իսկ ավելի մանրամա՞սն

Ինչ-որ ծառայություն, պրոդուկտ կամ հնարավորություն փնտրելիս, հաստատ նկատել եք, թե ինչպես եք գերադասում ավելի նորն ու ավելի ակտուալը: Այս բանաձևով ընտրություն են կատարում նաև ուրիշները և ընտրության տարբերակներում երբեմն նաև Ձեր բիզնեսն է։

Գնանք արխիվներ

Փորձը ցույց է տվել, որ բիզնեսի ու ռազմավարությունների թարմացումն օգնել է բիզնեսներին շարժվել առաջ, զարգանալ ու ներգրավել նոր հաճախորդների։ Որպես բոնուս՝ թարմացումներն օգնել են նաև նվազեցնել ծախսերը, բարձրացնել արտադրողականությունը և ստանալ եկամտի նոր աղբյուրներ։

Երբ բրենդը սկսում է մտածել ռազմավարական թարմացման մասին, նա կարող է ստեղծել ոչ միայն հաջողակ արշավներ, այլև ձևավորել ամբողջ շուկայի չափանիշներ։ Օրինակ՝ Ford-ը, PepsiCo-ն և General Electric-ը ցույց տվեցին, թե ինչպես նորարարությունը կարող է վերափոխել բիզնեսը և հաճախորդի փորձը։

Ford

Ամերիկայի Միացյալ Նահանգներում գործող ավտոմոբիլաշինական ընկերությունը կարողացավ դիմակայել մրցակցային ճնշումներին և նոր շուկաների պահանջներին։ Իսկ գաղտնիքը բիզնեսի թարմացումներն էին, որոնք ընկերությունը սկսեց 2018 թվականին։

Ford-ը վերակազմավորեց գլոբալ գործողությունները, մեծ ներդրումներ կատարեց էլեկտրական և ինքնավար ավտոմեքենաների ոլորտում, համագործակցեց տեխնոլոգիական ընկերությունների հետ՝ շարժունակության նոր լուծումներ մշակելու համար։

Արդյունքում ստեղծվեցին հաջողված մոդելներ և բարելավվեց հաճախորդի փորձը, իսկ ընկերությունը շարունակեց մնալ շուկայի առաջատար դիրքերում։

General Electric

Ընկերությունը պարզեցրեց աշխատանքների գործընթացները և կենտրոնացավ հիմնական ուժերի վրա։ Թվում է հասարակ փոփոխություն, բայց արդյունքում բարձրացավ ընկերության շահութաբերությունն ու գործունեության արդյունավետությունը։

Այժմ բրենդը կենտրոնացած է երեք հիմնական ճյուղերի վրա՝ էներգետիկ լուծումներ, ինքնաթիռների շարժիչներ և առողջապահական տեխնոլոգիաներ։

Pepsico

Զովացուցիչ ըմպելիքի բրենդի մասին հաստատ գիտեք։ 2019-ին բրենդը որոշեց ներգրավել որոշ փոփոխություններ, որոնք կօգնեին մնալ հաճախորդակենտրոն ու կբարձրացնեին արտադրողականությունը։ Դրան հասնելու համար օպտիմալացվեցին գործընթացները, զարգացում ապրեցին թվային հնարավորությունները և ներդրումներ կատարվեցին նաև ապրանքների մշակման ու մարքեթինգի ոլորտներում։

Արդյունքում Pepsi-ն ամրապնդեց շուկայում իր կայուն դիրքերը և գրանցեց եկամտի աճ։

Ձեր բիզնեսի թարմացումը

Որոշ դեպքերում բիզնեսը թարմացնելու համար պետք է ներմուծել նոր տեխնոլոգիաներ, որոշ դեպքերում էլ՝ ճիշտ մշակված ռազմավարություն՝ համաձայն Ձեր բիզնեսի պահանջների։

Սպասել պետք չէ․ ձեր բիզնեսը թարմացնելու ամենաճիշտ պահը կարող է լինել հենց հիմա։

Կայք՝ targeting.am

Էլ. հասցե՝ marketing@targeting.am

Հեռ.՝ +374 (96) 96 27 72 14