Բիզնես ռազմավարությունների մշակում և ընտրություն SWOT վերլուծության իրականացման միջոցով

Ապրիլի 15, 2022

էջանշում

Մեկնաբանություն

Ձեր բիզնեսի SWOT վերլուծության իրականացումը տարվա ճիշտ սկիզբ կարող է լինել, քանի որ այն հնարավորություն կտա Ձեզ պարզել կազմակերպության ուժեղ և թույլ կողմերը, հնարավորություններն ու սպառնալիքները։

Հիմնվելով այս տեղեկատվության վրա կարող եք մեկ քայլ առաջ շարժվել՝ Ձեր բիզնեսի բարելավմանն ուղղված ռազմավարություն մշակելով։ Ծանոթացե՛ք ռազմավարությունների 4 հիմնական տեսակներին, որոնք ստացվում են բոլոր 4 գործոնները համադրելու դեպքում։

Ուժեղ կողմեր (Strengths)

Թույլ կողմեր (Weakness)

Հնարավորություններ

(Opportunities)

S-O

Աճի ռազմավարություն

W-O

Զարգացման նոր ուղղություն

Սպառնալիքներ

(Threats)

S-T

Դիվերսիֆիկացման ռազմավարություն

W-T

Պաշտպանողական ռազմավարություն

Աճի ռազմավարություն (Growth Strategy) - Այս ռազմավարությունը ընտրելով՝ ընկերությունը պետք է համախմբի իր ուժեղ կողմերը և շուկայի հնարավորությունները: Սա համարվում է ամենադրական և կարճաժամկետ ռազմավարությունը: Ընկերությունը կարող է իրականացնել աճի ռազմավարություն, միայն այն դեպքում երբ համոզված է, որ այլ ոլորտներում չկան մեծ խնդիրներ:

Զարգացման նոր ուղղություն (Re-Orientation Strategy) - Այս ռազմավարությունը ընտրելով՝ ընկերությունը կենտրոնանում է իր թույլ կողմերի վրա, որպեսզի օգտագործի դրանք շուկայում առկա հնարավորությունների համար: Այն համարվում է դրական և երկարաժամկետ ռազմավարության տեսակ է: Այս ռազմավարության կիրառման համար առաջին հերթին անհրաժեշտ է առանձնացնել թույլ կողմերը, այնուհետև փոխել ընկերության զարգացման ուղղությունը:

Դիվերսիֆիկացման ռազմավարություն (Defusing Strategy) - Այս ռազմավարությունը ընտրելով՝ ընկերությունը հիմնվելով իր ուժեղ կողմերի վրա պետք է վերացնի շուկայում առկա սպառնալիքները: Այս ռազմավարությունը ենթադրում է, որ ընկերությունը կարիք չունի օգտվել շուկայի նոր հնարավորություններից, սակայն կարող է պարզապես թուլացնել առկա սպառնալիքները՝ կենտրոնանալով հիմնական ուժեղ կողմերի վրա: Սա համարվում է չեզոք և միջին կամ կարճաժամկետ ռազմավարություն:

Acba SME

SWOT վերլուծություն

Հոդված

Պաշտպանողական ռազմավարություն (Defensive Strategy) - Այս ռազմավարությունը կիրառվում է, երբ ընկերությունը գտնվում է ամենախոցելի դիրքում: Երբ ընկերության սպառնալիքները և թույլ կողմերը հանդես են գալիս միասին, ապա ընկերությունը պետք է գործի շատ արագ և պաշտպանողական: Այս ռազմավարությունը ամենաբացասականն է և կարճաժամկետ, բայց այն հարկավոր է, որպեսզի ընկերությունը կարողանա գոյատևել:

Ստորև ներկայացնում ենք «ABC» խորհրդատվական ընկերության SWOT վերլուծության օրինակը, որտեղ երևում է, թե առկա հնարավորությունների և խոչընդոտների, ներքին և արտաքին խնդիրների դեպքում ինչ ռազմավարություն կարելի է ընտրել:

Ուժեղ կողմերն են.

Ընկերությունը ունի հմուտ անձնակազմ, լավ հեղինակություն, հավատարիմ հաճախորդներ և ընկերությունում տիրում է դրական մթնոլորտ։ Ընկերությունը ոլորտում ունի 20 տարվա փորձ և համագործակցում է միջազգային ընկերությունների հետ, գտնվում է քաղաքի կենտրոնում և հաճախորդների սպասարկման գերազանց ծառայություն է մատուցում։

Թույլ կողմերն են.

Ընկերությունը չունի բավարար ֆինանսական ռեսուրսներ, ինչպես նաև կան դրամական հոսքերի հետ կապված խնդիրներ։ Անձնակազմի մոտիվացիան թույլ է, բացի այդ ընկերությունը չունի կորպորատիվ ռազմավարություն։ Ընկերության վեբ-կայքի դիզայնը վատն է և ընկերությունը երկար ժամանակ չի իրականացրել շուկայի հետազոտություն։

Արտաքին միջավայրի հետ կապված հնարավորություններն են.

Հայաստանը մաքսային միության անդամ է և արտահանման հարկերը նվազեցվել են, ինչպես նաև երկրում նկատվում է տնտեսական աճ։ Խորհրդատվական շուկան աճի փուլում է, կան նոր տեխնոլոգիաներ և օտարերկրյա մասնագետների հետ համագործակցության հնարավորություն։

Իսկ սպառնալիքները հետևյալն են.

Շուկայում ուժեղ մրցակցություն է տիրում և ի հայտ են գալիս նոր մրցակիցներ։ Երկրի քաղաքական իրավիճակը կայուն չէ և նկատվում է վճարունակության նվազում։

Մշակված ռազմավարությունները հետևյալն են.

S-O	W-O
Ընկերությունը կարող է օգտագործել իր հիմնական ուժը՝ 20 տարվա փորձը՝ օգտվելով այն փաստից, որ Հայաստանը միացել է Մաքսային միությանը և փորձի մուտք գործել միության անդամ երկրների շուկաներ։ Նոր շուկաներում հաջող գործելու համար ընկերությունը պետք է բարելավի իր խարհրդատվական առաջարկները արտասահմանյան ընկերությունների համար, որոնք ցանկանում են տեղակայվել Հայաստանում և գհտնել գործընկերներ ու հաճախորդներ։	Ընկերությունը պետք է փոխի իր ներկա ռազմավարությունը՝ համապատասխանեցնելով շուկայում առկա նոր միտումներին և պետք է օգտվի շուկայի աճից։
S-T	W-T
Մրցունակ լինելու համար ընկերությունը պետք է բարձրացնի իր աշխատակիցների պրոֆեսիոնալիզմը, թիմային աշխատանքի հմտությունները և որակը։ Դա կօգնի ընկերությանը մրցունակ լինել, քանի որ բարձրորակ ծառայություններն այսօր պարտադիր են և անհրաժեշտ։	Արտաքին սպառնալիքներից խուսափելու համար ընկերությունը պետք է իրականացնի շուկայի հետազոտություն և հետևի շուկայական նոր միտումներին՝ մրցակցությունից դուրս չմնալու նպատակով։