Օգտակար գործիքներ՝ Ձեր բիզնեսի զարգացման համար

Գործիքների շնորհիվ բիզնեսը կարողանում է՝

• ավտոմատացնել մի շարք աշխատանքներ և ցուցաբերել ավելի մեծ արտադրողականություն,
• վերլուծել բիզնեսից ստացված արդյունքները և կայացնել տվյալահեն որոշումներ,
• արդյունավետ կերպով սպասարկել հաճախորդներին,
• ներդնել հստակ բիզնես պրոցես և հավատարիմ մնալ դրան:

Ահա բիզնեսի զարգացման մի քանի գործիքներ, որոնք կօգնեն Ձեզ հասնել վերոնշյալ նպատակներին։

CRM համակարգեր

CRM (հաճախորդների հետ հարաբերությունների կառավարում) համակարգերը թույլ են տալիս բիզնեսներին հավաքել, պահել և վերլուծել հաճախորդների տվյալները, ինչպիսիք են՝ նրանց հաղորդակցման պատմությունը, կատարած գնումները և այլն։

Նման գործիքների օրինակներ են՝

• HubSpot. հնարավորություն է տալիս ավտոմատացնել մարքեթինգի և վաճառքների գործընթացն ու հաճախորդների սպասարկումը։
• Salesforce. ապահովում է մարքեթինգի ավտոմատացման, հաճախորդների սպասարկման և վերլուծական գործիքներով։

Պայմանագրերի և փաստաթղթերի ստորագրում

Երբ հարկավոր է կնքել պայմանագրեր արտերկրյա գործընկերների կամ նույնիսկ ընկերության աշխատակիցների հետ, առաջանում է անհրաժեշտություն գործընթացը կազմակերպել արագ և արդյունավետ։ Այսպես՝ կարող եք օգտվել փաստաթղթերի ստորագրման հետևյալ օնլայն գործիքներից.

• DocuSign. գործիքի օգնությամբ կարող եք ավելացնել Ձեր էլեկտրոնային ստորագրությունը փաստաթղթին։
• Pandadoc. կարող եք օգտագործել մեծ քանակությամբ փաստաթղթեր պատրաստելու և վավերականացնելու համար։

Աշխատանքի համակարգում

Ծրագրերի կառավարման գործիքները օգնում են բիզնեսի թիմերին կազմակերպել և պլանավորել աշխատանքները, սահմանել հիմնական առաջնահերթությունները, կատարել աշխատանքը ճիշտ ժամանակին և հետևել ընթացքին։ Այս նպատակով կարող եք փորձել հետևյալ գործիքները.

• Trello. տալիս է ծրագրերի կառավարման վիզուալ պատկերացում և օգնում համակարգել թիմերի աշխատանքները։
• Asana. օգնում է հետևել աշխատանքի ընթացքին, սահմանել վերջնաժամկետ, ապահովել թիմի միջև հաղորդակցությունը։

Ֆինանսական կառավարում

Ֆինանսները, եկամուտները ու ծախսերը կազմելու և հետևելու համար կարող եք օգտվել հետևյալ գործիքներից.

• ՀԾ-Հաշվապահ և ՀԾ-Ձեռնարկություն. կարող եք օգտագործել հաշվապահական հաշվառման, հարկային հաշվարկների, բյուջեների կազմման ու հաշվետվությունների պատրաստման համար։
• Xero. թույլ է տալիս ստեղծել ֆինանսական հաշվետվություններ ու հետևել բյուջեին։

Հաճախորդների աջակցություն

Հաճախորդներին արագ և արդյունավետ աջակցություն ցուցաբերելու համար առաջարկում ենք ներդնել հետևյալ համակարգերը.

• Zendesk. կարող եք ստեղծել ticket-ներ և ավտոմատացնել հաճախորդների սպասարկման համակարգը։
• Intercom. կիրառեք չատ-բոտեր հաճախորդների հարցումների և մարքեթինգային հաղորդագրությունների ավտոմատացման համար։

Մարդկային ռեսուրսների կառավարում

Աշխատակիցների տվյալները, ընթացիկ գործընթացները և հարցումները համակարգելու համար կարող եք օգտվել հետևյալ գործիքներից.

• Workday. արհեստական բանականության գործիքներով համակարգ, որը հարմար է ոչ միայն HR գործընթացների, այլև ֆինանսական պլանավորումների համար։
• BambooHR. գործիքը կարող եք օգտագործել աշխատակիցների տվյալների համակարգման, արձակուրդների պլանավորման, աշխատանքի ընդունման և այլ գործընթացների համար։

Բիզնեսում հաճախ կիրառվող այս գործիքները կօգնեն Ձեզ կազմակերպել բիզնես գործընթացներն ավելի արդյունավետ կերպով։

Կայք՝ uteach.io

Էլ. հասցե՝ support@uteach.io

Հեռ.՝ +374 55 85 55 88