Ամպային տեխնոլոգիաների հնարավորությունները

Ամպային տեխնոլոգիաները թույլ են տալիս հավաքել, պահել, վերլուծել աննախադեպ մասշտաբի, արագության և խորության տվյալներ: Տվյալների մշակման արդյունքում հնարավոր է դարձել գտնել հարաբերակցություններ, որոնք ժամանակին չափազանց փոքր էին հայտնաբերելու և տարբերելու համար: Հիմքում ունենալով ամպային տեխնոլոգիաները և առաջադեմ վերլուծական կարողությունները` մենք արագ առաջընթաց ենք տեսնում արհեստական բանականության, ռոբոտաշինության, նյութագիտության, 3D տպագրության և բազմաթիվ այլ ոլորտներում։

Նոր սարքավորումները անսահմանափակ հնարավորություններ են տալիս՝ վերաիմաստավորելու, թե ինչպես են աշխատում ձեռնարկությունները, ինչպես են կապ հաստատում հաճախորդների հետ, կառավարում աշխատանքային ռեսուրսները, ապրանք մատակարարում և կազմակերպում մատակարարման շղթաներ։

Սա մի գործընթաց է, որն արագ առաջ է շարժվում։ Նորարարական ընկերությունները թողարկում են ամպային հնարավորություններով նոր տեխնոլոգիաներ, որոնք առավելագույնս ուղղված են հաճախորդների սպասարկմանը` արդյունքում հիմնովին փոխելով բիզնեսի մի շարք ոլորտներ։ Օրինակ՝ Uber-ը աշխարհի ամենախոշոր տաքսի ծառայությունն է, չնայած ոչ մի մեքենա չունի, իսկ Airbnb-ն, որն աշխարհում ժամանակավոր կացարանի վարձակալության ամենաարժեքավոր ընկերությունն է, ոչ մի հյուրանոց չունի։

Ամպային տեխնոլոգիաների ամենակարևոր առավելություններից մեկն այն է, որ այն նախկինում միայն խոշոր ընկերություններին մատչելի կարողությունները հասանելի է դարձնում բոլոր բիզնեսների համար:

Սա փոխակերպում է փոքր և միջին բիզնեսի՝ նորարարություններ իրագործելու, արտադրողականությունը մեծացնելու և դեպի նոր շուկաներ ընդլայնվելու հնարավորությունը։

Կայք՝ www.microsoft.com/hy-am/about
Էլ. Հասցե՝ arminfo@microsoft.com
Հեռ.՝ 010 51-44-89