Ինչպե՞ս պատրաստել բիզնեսը՝ որպես ֆրանշիզա վաճառելու համար

Հաջողակ ֆրանշիզա կառուցելու համար Դուք պետք է ռազմավարական քայլեր ձեռնարկեք՝ ապահովելով բիզնեսի ընդլայնումը, բրենդի համապատասխանությունը և իրավական նորմերի պահպանումը:

Ֆրանչայզինգը թույլ է տալիս բիզնեսի սեփականատիրոջը (ֆրանչայզեր) իրավունք տալ ֆրանչայզիներին բացելու և շահագործելու նոր մասնաճյուղեր՝ օգտագործելով արդեն կայացած բրենդը, բիզնես մոդելը և համակարգերը: Ֆրանչայզին շահում է ուսուցումից և շարունակական աջակցությունից, իսկ ֆրանչայզերը վաստակում է ֆրանչայզիների կողմից տրվող հոնորարներից:

Բիզնեսը՝ որպես ֆրանշիզա վաճառելու հիմնական քայլերը.

1. Գնահատեք մասշտաբայնությունը։ Սա առաջին քայլն է հասկանալու՝ արդյոք Ձեր բիզնեսը կարող է հեշտությամբ կրկնօրինակվել: Ամեն բիզնես չէ, որ հարմար է ֆրանչայզինգի համար։ Կարևոր է ունենալ հստակ, ստուգված մոդել, որը կարող է կիրառվել տարբեր տարածաշրջաններում և շուկաներում:

2. Իրավական փաստաթղթերի մշակում։ Աշխատեք ֆրանչայզինգի ոլորտի փաստաբանի հետ, որպեսզի պատրաստեք անհրաժեշտ փաստաթղթերը։ Փաստաթղթերից առաջինը ֆրանչայզային պայմանագիրն (Franchise Agreement) է։ Այն հիմնական փաստաթուղթն է, որը սահմանում է ֆրանչայզերի և ֆրանչայզիի իրավունքներն ու պարտականությունները։ Մյուս պարտադիր փաստաթուղթը FDD-ն է, որը ֆրանչայզերը պարտավոր է տրամադրել պոտենցիալ ֆրանչայզիներին գործարքը կնքելուց առաջ։ Փաստաթղթում նկարագրված պետք է լինի Ձեր բիզնես մոդելը և համապատասխանությունը իրավական պահանջներին:

3. Ապրանքային նշանի գրանցում։ Ձեր ապրանքանիշը ամենակարևոր ակտիվներից է: Պաշտպանեք այն՝ գրանցելով ապրանքային նշանը, որպեսզի ֆրանչայզին կարողանա գործել Ձեր անունից՝ առանց իրավական դժվարությունների: Եթե Ձեր բիզնեսն ունի որևէ բացառիկ տեխնոլոգիա կամ պրոդուկտ, ապա այս դեպքում ևս շատ կարևոր է դրա իրավական պաշտպանվածությունը։

4. Գործառնական ձեռնարկների մշակում։ Ստեղծեք համապարփակ ձեռնարկ, որն ընդգրկում է ամեն ինչ՝ ապրանքանիշի արժեքներից մինչև բոլոր բիզնես գործընթացների մանրամասները։

5. Ֆրանչայզային ընկերության ստեղծում։ Առանձնացրե՛ք իրավաբանական անձ, որը կկառավարի ֆրանշիզան՝ հիմնական բիզնեսից առանձին: Այն կօգնի ֆինանսական կառավարմանը և կապահովի պարտականությունների հստակ բաշխում:

6. Ֆրանշիզայի վաճառքի ռազմավարություն։ Մշակեք մարքեթինգի և վաճառքի պլան՝ պոտենցիալ արտոնյալներին ներգրավելու համար: Կենտրոնացեք վստահության ձևավորման և Ձեր բիզնես մոդելի շահութաբերությունը ցուցադրելու վրա:

Ֆրանչայզինգը աճի հզոր ռազմավարություն է, սակայն, հաջողությունը կախված է ճիշտ գործընկերների ընտրությունից, ովքեր կիսում են Ձեր տեսլականը և պատրաստ են հետևել Ձեր մշակած համակարգերին։ Պատրաստելով Ձեր բիզնեսը ամուր իրավական դաշտով և հստակ գործառնական ռազմավարությամբ՝ Դուք կարող եք հասնել երկարաժամկետ հաջողությունների:

Կայք՝ Afra.am

Էլ. հասցե՝ info.afra.am@gmail.com

Հեռ.՝+374 41616141