Քայլեր, երբ տեղի է ունեցել ապահովագրական դեպք

Որպեսզի պատճառված վնասը հատուցվի Ապահովագրական ընկերության կողմից, անհրաժեշտ է առաջին հերթին ուշադիր կարդալ պայմանագրի համապատասխան կետը, որտեղ սահմանվում են որոշակի պայմաններ, ապահովագրողին ծանուցելու և դիմում ներկայացնելու ժամկետներ:

Իսկ ընդհանուր քայլերը հետևյալն են.

1. Իրադարձության մասին տեղեկացնել համապատասխան լիազոր մարմիններին, որոնք են.

• հրդեհ, պայթյուն՝ ԱԻՆ, Հրշեջ ծառայություն
• ջրային համակարգերի վթար՝ Համայնատիրություն, ջրմուղկոյուղի
• տրանսպորտային միջոցների կողմից պատճառած վնաս՝ Ճանապարհային ոստիկանություն
• տարերային աղետ՝ ԱԻՆ, հիդրոմետ կենտրոն
• գողություն, կողոպուտ, կանխամտածված ոչնչացում (վնասում) այլ անձանց կողմից՝ Ոստիկանություն

2. Անհրաժեշտ է տեղեկացնել ապահովագրողին՝ պայմանների համաձայն, և հետևել ապահովագրական ընկերության աշխատակցի հրահանգներին

3. Հավաքել իրադարձության փաստը և հանգամանքները հաստատող և այլ պահանջվող փաստաթղթերը

4. Ապահովագրական ընկերությունում գրել դիմում՝ ներկայացնելով վերը նշված փաստաթղթերը

Նաև կարևոր է.

• Փորձել նվազեցնել հնարավոր վնասը,
• Աշխատել պահպանել դեպքի պատկերը: