Փոքր և միջին ձեռնարկությունների սխալների թոփ տասնյակը

Տասնամյակներ շարունակ ՓՄՁ-ներին հասանելի չեն եղել կազմակերպության ռեսուրսների պլանավորման բարդ համակարգի լուծումները, հասուն բիզնես գործընթացների ձևավորումն ու ավտոմատացումը, առաջարկ/արժեք ինտեգրված հաղորդակցության շղթայի ստեղծումը, ինչպես նաև ակնհայտորեն բացակայել է ընդհանուր տեղեկատվական անվտանգությունը և բիզնեսի շարունակականությունը:

ՓՄՁ-ներին այժմ հասանելի են ենթակառուցվածքները, գործիքները և գործընթացները, որոնք զգալիորեն բարձրացնում են բիզնեսի արդյունավետությունը: Ցավոք սրտի, կա մեկ խնդիր: Թվում է` ՓՄՁ-ները անընդհատ տարածված սխալներ են գործում, որոնք նրանց թույլ չեն տալիս կիրառել տեխնոլոգիաները` ի նպաստ բիզնեսի արժեքի:

Հիմնական սխալները հետևյալն են`

Տեխնոլոգիաներից հեռու մնալը. ՓՄՁ-ների շատ ղեկավարներ դիտարկում են տեխնոլոգիաները որպես «անհրաժեշտ չարիք» կամ «վերջին միջոց», ինչը սովորաբար հմտությունների պակասի, անտեղյակության կամ զգացմունքային կողմնապահության հետևանք է: Տեխնոլոգիաների զարգացումը և դրանց ազատ հասանելիությունն ունեն լավ փաստագրված և ապացուցված օգուտներ ՓՄՁ-ների համար: Ուսումնասիրե՛ք տարբերակները, ընդունե՛ք ռազմավարություններ և կտեսնեք, թե ինչպես է Ձեր ՓՄՁ-ն բարձրացնում արդյունավետությունը, բացառում մարդկային սխալը, բարելավում հաճախորդների հետ հարաբերությունները և նվազեցնում բիզնեսի ծախսերը:

Գնահատման գործընթացի բացակայություն. Սխալ մի՛ գործեք. տեխնոլոգիայի ներդրումը պահանջում է ձևավորված գործընթաց և մանրակրկիտ քննություն: Ծախսերի և կազմակերպչական հնարավոր թերությունների պատճառով ՓՄՁ-ները, որոնք անլուրջ են մոտենում տեխնոլոգիայի կիրառմանը, սովորաբար խնդիրներ են ունենում և չեն կարողանում համապատասխանել մարտավարական և ռազմավարական նպատակներին: Առավել մեծ հաջողություն և ցածր ծախսեր ապահովելու համար տեխնոլոգիայի հետ կապված բոլոր որոշումները կայացրե՛ք գործընթացը «ֆիլտրելու» միջոցով:

Որոշումների կայացում «մենք կկարողանանք դա անել» սկզբունքի հիման վրա. ՓՄՁ-ի ղեկավարը հաճախ սովոր է ինքնուրույն ընդունել բիզնեսի հետ կապված կարևոր որոշումների մեծ մասը, եթե ոչ բոլորը: Սխալ է, երբ նա որոշման ընդունման այս ձևը կիրառում է տեխնոլոգիաների պարագայում: Բարդության, փոփոխության արագության, ընտրության բազմազանության պատճառով ապավինեք բարձր որակավորմամբ տեխնոլոգիաների մասնագետներին, որոնք կուղեկցեն ձեզ ամբողջ գործընթացում: Դուք կարող եք կայացնել որոշումը, բայց տեղեկատվությունը և առաջարկությունները ի մի բերելու համար հույսը միայն Ձեզ վրա մի՛ դրեք:

Տեղական արտադրության ՏՏ սպասարկում. Շատ հաճախ տեխնոլոգիաների սպասարկման գծով նշանակվում է ներքին աշխատակից, որին պետք է դիմել տեխնոլոգիաների հարցերով: Այդ անձը միշտ չէ որ հմուտ եւ փորձառու է: Նրանց ընտրում են, քանի որ «պետք է լինի մեկը, ով կօգնի»: Այս մոտեցման որդեգրումը սթրեսի է ենթարկում այդ աշխատակցին և զայրացնում է օգտատերերին, քանի որ նրանք չեն կարողանում ճիշտ օգնություն ստանալ, երբ դրա կարիքն ունեն: Այս մոտեցումը նաև զգալիորեն ավելացնում է բիզնեսի ծախսերը:

Ամենացածր գնի վրա կենտրոնացումը. ՓՄՁ-ների ղեկավարները չեն ցանկանում ներդրում կատարել իրենց բիզնեսում: Փոխարենը, երբ կայացվում է գնման վերաբերյալ որոշում, բոլոր ջանքերը կենտրոնացվում են հնարավոր ամենացածր գինը ստանալու վրա, նույնիսկ ֆունկցիոնալությունը վարկաբեկելու կամ բիզնես պահանջներին չհամապատասխանելու գնով: Մի՛ տարակուսեք՝ արդյոք արժե՞ վճարել ֆունկցիոնալության ու պահանջվող օգուտի համար և մի՛ շրջանցեք կանոնները:

Հին տեխնոլոգիան չափազանց երկար պահելը. Շրջահայաց է ներդրումներից ստացվող հասույթը առավելագույնի հասցնել բիզնեսի բոլոր ոլորտներում: Սա ներառում է նաև տեխնոլոգիաները: Սակայն, որոշակի պահի այս հեռանկարի դիտարկումը հին տեխնոլոգիաների կիրառմամբ հետ է պահում բիզնեսին` չընձեռելով նոր հնարավորություններ արդյունավետությունը բարձրացնելու և ծախսերը կրճատելու համար: Որդեգրե՛ք ներդրումները առավելագույնին հասցնելու ակտիվ բալանսավորված մոտեցում` փորձելով ներդրված տեխնոլոգիայից քաղել առավելագույնը:

Պահանջների կատարումը նրանով, ինչ ունեք. Շատ հաճախ գործիքներն օգտագործվում են ոչ պատշաճ և հաճախ վնասակար արդյունքների համար: Սա ճիշտ է նաև տեխնոլոգիաների դեպքում: ՓՄՁ-ները փորձում են մի տեխնոլոգիան օգտագործել մեկ այլ նպատակով, որի համար այն նախատեսված չէ: Կամ, նրանք փորձում են իրենց ունեցած տեխնոլոգիան համապատասխանեցնել մի նպատակի, որին գրեթե հնարավոր չէ հասնել: Դադարե՛ք կիրառել տեխնոլոգիաները այնպիսի խնդիրներ կամ նպատակների համար, որոնց համար դրանք նախատեսված չեն և առաջ տարեք բիզնեսը` ամեն անգամ կիրառելով աշխատանքի համար նախատեսված ճիշտ գործիքները:

ՏՏ-ն բիզնեսի ներսում պահելը. Որքան էլ այս տարբերակը գայթակղիչ թվա, այն լի է վտանգներով: Եթե ձեր բիզնեսը ՏՏ ոլորտում չէ, Ձեր կարիքներն ու ֆինանսական բարեկեցությունն ավելի լավ կսպասարկվեն, եթե ՏՏ-ն հեռացնեք ձեր բիզնեսից և հանձնարարեք այն մասնագետներին: Տարբերակներն հասանելի են ամենուրեք և դրանց հետ կապված ծախսերն ավելի քիչ են, քան ՏՏ-ները «ներսում պահելը»:

Գովազդին չափազանց աչալուրջ լինելը. Տեխնոլոգիաներ վաճառողն ուզում է, որ Դուք գնեք իր ապրանքը կամ ծառայությունը: Սա վատ բան չէ՝ հաշվի առնելով, որ Դուք կարող եք ստուգել պնդումների իսկությունը և խոսել այլ նմանատիպ բիզնեսների հետ` հասկանալու արժեքը, վնասներն ու օգուտները: Ուշադրություն մի՛ դարձրեք կայքէջին, գրքույկին և գովազդին: Ավելի խորը ուսումնասիրե՛ք առաջարկվող լուծումները, խոսեք այլ կազմակերպությունների հետ, ովքեր օգտագործում են այդ լուծումը և վաճառողին ստիպեք կապել իրենց տեխնոլոգիան Ձեր ճշգրիտ կարիքներին:

Պատշաճ հավատարմությունը տեխնոլոգիաներին. Երբ անհրաժեշտ է՝ տեխնոլոգիաների գնահատում, որոշումների կայացում, իրագործում և ներկայացում, ՓՄՁ-ի տիպիկ ղեկավարը կմասնակցի գնահատմանն ու որոշումների ընդունմանը, իսկ մնացածը կթողնի մյուսներին: ՓՄՁ-ի խելամիտ ղեկավարը հավատարիմ կմնա գործընթացին և գործնական օգուտներ քաղելուն`ճանապարհի յուրաքանչյուր քայլին տեխնոլոգիաների խնամքով ներդրման միջոցով` այսպիսով բարձրացնելով պատասխանատվությունը, ծախսերի գիտակցումը, համակարգի ընդունելիությունը օգտատերերի համար և ներդրումներից առավելագույն եկամուտը:

Կայք՝ www.microsoft.com/hy-am/about
Էլ. Հասցե՝ arminfo@microsoft.com
Հեռ.՝ 010 51-44-89