Tone of voice. բրենդի ձայնը` որպես բրենդի ինքնության տարր

Մենք շատերին ճանաչում ենք առաջին իսկ բառերից, մինչդեռ որոշ ընկերություններ անդեմ են, որոշներն էլ մեզ ստիպում են սիրահարվել իրենց` առաջին իսկ վայրկյանից։ Այս ամենը տեղի է ունենում այն​​պատճառով, որ յուրաքանչյուր ընկերություն ունի իր հաղորդակցման ոճը, իր ձայնը, որին լսարանը «սովորում» է և սկսում ճանաչել հարյուրավոր այլ ձայներից:

Ի՞նչ է ton of voice-ը (ձայնի տոնը)

Tone of voice-ը կամ ToV-ը սպառողների հետ շփվելու միջոց է, որը բրենդին առանձնացնում է իր մրցակիցներից։ Այն նկատելի է ընկերության բոլոր հաղորդակցություններում՝ ներառյալ գովազդները, սոցիալական ցանցերում գրառումները, նամակագրությունները, մեկնաբանությունները և այլն: Յուրաքանչյուր բրենդ ինքն է որոշում հաճախորդի հետ երկխոսության մեջ թույլատրելի շրջանակը՝ հիմնվելով իր առաքելության, ընդհանուր պատկերի, իմիջի և թիրախային լսարանի մասին պատկերացումների վրա:

Բրենդի հաղորդակցության ոճը կարող է լինել համարձակ, սադրիչ, լուրջ, հարգալից, ընկերական և այլն: Tone of voice-ի շատ տեսակներ կան. ընտրությունը կախված է նրանից, թե ինչպիսի տպավորություն է ուզում թողնել բրենդը մարդկանց վրա։

ToV-ի ազդեցությունը հաճախ ամրապնդվում է վիզուալի շնորհիվ՝ ընտրելով գույներ, պատկերներ և տառատեսակներ, որոնք առաջացնում են ցանկալի ասոցիացիաներ:

Եկեք համեմատենք արագ սննդի ռեստորանների երկու խոշորագույն ցանցերի (McDonald's և Burger King) ToV-ները: Այս երկու բրենդի առաքելությունն ու արժեքները հասկանալու համար պետք չէ երկար ուսումնասիրել նրանց պատմությունը, պարզապես պետք է նայել նրանց գովազդներին:

McDonald's-ը ընտանեկան ռեստորան է, որտեղ գնահատվում են ավանդական արժեքները, մինչդեռ Burger King-ը ըմբոստ է, որը սիրում է ուշադրություն գրավել: Բուրգեր Քինգի ձայնը բարձր է և համարձակ: Ընկերությունը հաճախ է հայտնվում լրահոսում՝ իր գովազդային կարգախոսների համար։ Այնուամենայնիվ, Burger King-ն ունի երկրպագուների մեծ բազա, ովքեր սիրում են նրանց և ընդունում են նրանց շփվելու կտրուկ ոճը:

Ինչու՞ է բրենդին անհրաժեշտ Tone of voice

Ճանաչում. ինֆորմացիոն հոսքի մեջ չմոլորվելու և մրցակիցներից տարբերվելու համար բիզնեսին անհրաժեշտ է վառ և հիշվող ձայն: Եզակի տեխնիկան, բառերը և ձևակերպումները օգնում են սպառողին ակնթարթորեն բացահայտել հաղորդագրությունը և ճանաչել դրա հեղինակներին:

Էմոցիոնալ կապ լսարանի հետ․ մարդիկ ընտրում են կյանքի, հետաքրքրությունների և արժեքների վերաբերյալ նմանատիպ հայացքներ ունեցող ընկերներ: Այս կերպ նրանք նաև նախապատվությունը տալիս են այն բրենդներին, որոնց ձայնը համահունչ է իրենց մտքերին։ Գնման որոշումը միշտ չէ, որ ռացիոնալ է ընդունվում. այստեղ կարևոր դեր են խաղում զգացմունքները։

Արժեքների փոխանցում․ բրենդի առաքելությունը, փիլիսոփայությունը և սկզբունքները սերտորեն միահյուսված են բրենդի tone of voice-ին։ Դրա շնորհիվ ընկերության իմիջն ամրապնդվում է և ձեռք է բերում ճիշտ ասոցիացիաներ։ Օրինակ, հանրաճանաչ Hochland բրենդը ընտանեկան արժեքներն է դնում իր փիլիսոփայության կենտրոնում, այդ իսկ պատճառով նրա ձայնը շատ հանգիստ է և հոգատար:

Ազդեցություն վաճառքի վրա. մարքեթինգային ռազմավարությունն ունի շահույթի ավելացման նպատակ։ ToV-ը՝ որպես բրենդի ինքնության տարր, օգնում է հաջողությամբ առաջ մղել բրենդը շուկայում:

Կարևոր է իմանալ, որ ունիվերսալ tone of voice չկա։ Չկա այնպիսի ձայն, որը հարմար է ցանկացած բրենդի և դուր կգա բոլորին՝ առանց բացառության։ Ավելի լավ է սկսել այն արժեքներից, որոնք կարևոր են ընկերության համար և դրանց հիման վրա կառուցել հաղորդակցման ռազմավարություն: Պետք չէ կրկնօրինակել մրցակիցներին, կամ, ընդհակառակը՝ փորձել ամբողջովին հակադրել նրանց ոճին: Ձայնի տոնն ընտրելիս գլխավորը բրենդի անհատականությանն ու եսին հավատարիմ լինելն է։ Վստահ եղեք՝ Ձեր հաճախորդը կգնահատի Ձեր ազնվությունը:

Կայք՝ https://brandon.am/

Էլ. հասցե՝ info@brandon.am

Հեռ.՝+37477870090