Ի՞նչ է «Value-first» մարքեթինգը և ինչպե՞ս այն կիրառել

Շրջանցել պետք չէ

«Value-first» մարքեթինգը թույլ է տալիս բրենդին ստեղծել բովանդակություն և առաջարկներ, որոնք անմիջականորեն օգտակար են հաճախորդի համար և չեն ենթադրում որևէ փոխադարձ ակնկալիք։ Իսկ հիմքում ընկած են հաճախորդի նախասիրությունները, կարիքները․․․Արդյունքում բարձրանում է հաճախորդի վստահությունը բրենդի նկատմամբ, և ստեղծվում երկարաժամկետ փոխհարաբերություններ։

«Value-first» մարքեթինգը կիրառելու մասին

Ցանկացած հաջողված ռազմավարություն պահանջում է մանրակրկիտ աշխատանք։ Եվ «Value-first» մարքեթինգային ռազմավարությունը բացառություն չէ։

Սկսեք լսարանին լավ հասկանալուց։ Պետք է իմանալ, թե ինչ է լսարանն ուզում, ինչ հետաքրքրություններ ունի, որոնք են առկա խնդիրները, որոնք կարող է լուծել հենց Ձեր բրենդը։

Մշտապես ստեղծեք օգտակար ու բարձրորակ բովանդակություն, օրինակ՝ հոդվածներ, հոլովակներ, լուսանկարներ։ Բայց ամեն ինչ միանգամից անել պետք չէ, ուշադրություն դարձրեք, թե որ բովանդակությանն է լսարանն ավելի շատ արձագանքում։

Կապի մեջ եղեք հաճախորդի հետ և լսեք նրա արձագանքը։ Պատասխանեք մեկնաբանություններին, կիսվեք և գնահատեք նրա կարծիքը։ Այսպես կհասկանաք Ձեր բրենդի հաջորդ քայլը։ Միգուցե դա նոր պրոդուկտ է, որի մասին երազում էին Ձեր հաճախորդները, միգուցե դա ծրագրի ինչ-որ կոճակ է, որը կպարզեցնի Ձեր հաճախորդների փորձառությունը։

Խոսենք թվերից

Որոշ ընկերություններ որոշել են փորձել «Value-first» մարքեթինգի արդյունավետությունը և անցկացրել են հետազոտություններ։ Օրինակ Clear Channel-ի և JCDecaux-ի հետազոտությունը ցույց է տվել, որ սպառողների 81%-ի համար գնումներ կատարելու ամենակարևոր գործոնը վստահությունն է։ Եվ այստեղ բեմ է բարձրանում «Value-First» մարքեթինգային ռազմավարությունը։Ստեղծելով արժեք՝ բարձրանում է բրենդի հեղինակությունը, ճանաչելիությունը և լսարանի վստահությունը։

«Value-First» ռազմավարության արդյունավետ պրակտիկաները

Hootsuite-ը սոց․ մեդիայի գործիք է և մշտապես ուշադրություն է դարձնում իր լսարանի կարիքներին։ Օրինակ՝ շարունակաբար տրամադրում է օգտակար ռեսուրսներ, որոնց համար վճարել պետք չէ։ Բլոգեր, դասընթացներ, վեբինարներ, SEO և hashtag գեներատորներ․․․։

Wistia տեսանյութերի հարթակը ստեղծել է ուսուցողական կենտրոն՝ բլոգերով, տեսանյութերով և վեբինարներով՝ ապահովելով հիանալի փորձ հաճախորդների և ոչ հաճախորդների համար։

Zappos բրենդը հայտնի է հենց այս մոտեցմամբ, քանի որ շեշտը դնում է հաճախորդների հարմարավետության վրա։ Օրինակ, տրամադրում է արագ ու անվճար առաքման, վերադարձի ու անհատականացված սպասարկման ծառայություններ, որոնք պարզեցնում են հաճախորդի փորձառությունը։

«Value-First» մարքեթինգային ռազմավարությունը հաճախորդի մասին է, նրան լսելու և հնարավորինս օգնելու։ Այսպիսով, օգնե՛ք Ձեր լսարանին՝ զարգացնել Ձեր բրենդը։

Կայք՝ targeting.am

Էլ. հասցե՝ marketing@targeting.am

Հեռ.՝ +374 (96) 27 72 14