Դեսիգուալ

Չունենալով հագուստի վաճառքի ոլորտում փորձ և փոխարենն ունենալով սեփական բիզնեսն ունենալու և գեղեցիկը մարդկանց ներկայացնելու մեծ ձգտում՝ Արևիկի նախաձեռնությամբ Երևանում բացվեց Դեսիգուալ ապրանքանիշի առաջին խանութը:

«Բիզնես մթնոլորտը մեր ընտանիքում տիրում է ավելի քան տասը տարի, և մտածում էինք մեկ այլ ոլորտում բիզնես սկսելու մասին, որը կղեկավարեի ինքս: Որոշումն արդեն կայացված էր, և առջևում նոր բիզնես հիմնելու հետ կապված բոլոր դժվարություններն էին։ Սկզբում պատկերացումներս այլ էին, ամեն ինչ շատ հեշտ էր թվում, սակայն երբ սկսեցի քայլել առաջ, այդ ժամանակ բացահայտվեցին բիզնեսի բոլոր պատկերացրած և չպատկերացրած բարդ կողմերը»,- նշում է Արևիկը։

Արևիկը համոզված է, որ մեծ ցանկության ու աշխատասիրության դեպքում առաջ գնալն այդքան էլ դժվար չէ: Պետք է ուղղակի հետևողական լինել և, անշուշտ, ամեն ինչ կստացվի․ «Հետագայում կցանկանայի մեր բրենդն ավելի ճանաչված ու ավելի հասանելի լինի մեր հասարակության համար»:

Ամեն ինչ դեռ առջևում է...