Գտնված երազ

Մեկ տարի առաջ Լուսինեն որոշեց թողնել դասավանդումը դպրոցում՝ որոշելով իրականություն դարձնել սեփական երազանքը:

«Ես երկար տարիներ աշխատել եմ դպրոցում որպես մաթեմատիակայի ուսուցչուհի: Աշխատանքս կատարել եմ սիրով ու նվիրումով, ապրել եմ աշակերտներիս խնդիրներով, ուրախացել եմ իրենց ունեցած ձեռքբերումներով և, իհարկե, տխրել նրանց կրած անհաջողություններից»,- նշում է Լուսինեն։

Այդ տարիները նրան թույլ են տվել ճանաչել և հասկանալ երեխաների և դեռահասների խնդիրները․ «Եվ հասունացավ այն պահը, երբ ես հասկացա, որ ժամանակն է իրագործելու վաղեմի երազանքս՝ ստեղծել մի կրթօջախ որոշակի գաղափարի շուրջ, այն է՝ երջանիկ լինելու հավատամքը»։

Այս ամենը իրագործելու համար հավաքվել է ընկերների և մասնագետների մի արհեստավարժ թիմ, ընտրվել մի նորաստեղծ թաղամաս, որտեղ էլ հենց գտնվում է Լուսինեի նորաստեղծ կրթօջախը: Գրագետ և գեղեցիկ կատարել են ներքին հարդարման աշխատանքները, հարմարավետ և գունեղ կահավորել սենյակները, ստեղծվել է առողջ ու նրբահամ ճաշացանկ և, իհարկե, մոտիվացված, անթերի և նրբանկատ ուսումնական ծրագիր, որի շնորհիվ արդեն տարիներ շարունակ կրթում և դաստիարակում են փոքրիկներին։

«Ես գտա իմ երազանքը և հորդորում եմ բոլորին գնալ իրենց երազանքների ետևից, ոչ մի դեպքում չհուսահատվել և ետ չկանգնել»։