Գարդման տուր

Ծանոթությունը «Գարդման տուր»-ի տնօրեն Հայկ Մաղաքյանի հետ փոխում է տուրիզմի վերաբերյալ կարծրացած ընկալումը և տեղափոխում այլ Հայաստան, որտեղ զարգանում է արկածային տուրիզմը։

Հայկ Մաղաքյանը մասնագիտությամբ տնտեսագետ է, ով հիմնելով «Գարդման տուր» ընկերությունը, արկածային տուրիզմի սիրահարների հետ անցել է հազարավոր կիլոմետրեր՝ հուսալի ամենագնաց մեքենաներով և գրեթե նույնքան ճանապարհ՝ ոտքով։ Եթե ցանկանում եք տեսնել բնության այնպիսի վայրեր, որոնք հեռու են հիմնական երթուղիներից և անհասանելի են թվում, ապա արկածային տուրիզմը հենց ձեզ համար է։ Բացի ջիպային տուրերից կազմակերպվում են նաև քայլարշավային և լեռնահեծանվային տուրեր։

2012թվականին «Գարդման տուր»-ը կազմակերպում է շրջագայություններ դեպի Հայաստանի պատմական վայրեր՝ դժվարանցանելի ճանապարհներով։ Ընկերության բոլոր աշխատակիցները համատեղել են իրենց նախասիրությունն ու աշխատանքը։ Սակայն դա չի ազատում սեփական բիզնեսի կառավարման հետ կապված հոգսերից։ Ամեն դեպքում հարկավոր են գիտելիքներ, որոնք ստանալու հնարավորություն է ընձեռում Ակբա Բանկը։ Հայկը նշում է, որ բիզնես դասընթացներին մասնակցությունը տվել է իրեն ոչ միայն որակյալ և պրակտիկ գիտելիքներ, այլ նաև նոր գործընկերներ։